Tuôx txos jok Co Sâu, xã Chiềng Mai nhiv no, txox cêr muk lok hâur jok tưz tâu kriz đar, lênhv tas bê tông truôx khor, yêz lox tuôx zuôr txir cà phê cias ntơưv qơư, pêx xênhv zôngx ziv muk lok huôv tsar kôngz lông thiaz pâur muôs hax huv. Pêx xênhv hâur jok tus tưs cux shir haik tiak, chia uô tiar txox cêr no zuôr tsuv thax txos pos Hà Thị Chiển, 58 shông, nênhs muôx côngz hâur jok đas jos thiaz tsưr ziv tưz tsik tsês zaz zâuv, gruô hu pêx xênhv jav ar, côngv hnuz jos kriz cêr muk lok. Iz chas ntơư, pos ziv nênhs tsênhv hlôngr chos yax 1 ha cà phê thiaz ntông mắc ca trâu têx têz chos kôngz tsik jông, yênhx shông sâu nju yax  400 triệu nhiax.

Pos Hà Thị Chiển haik kria: Shông 2023, jok tâu Têz qơưk paz lênhv bê tông kriz đar txox cêr muk lok hâur jêx jok đar txix 3m txos 7m, ntêr 3,3 km. Xuz thơưx, hâux lưv yaik qơư nhoz yiaz chia uô txox cêr njiz ntâu cêr txov nhêv, cur tưz đros Ban Saiz car jok kriz têx jias cơưv chia zaz zâuv, gruô hu pêx xênhv; siaz ntêr muk trâu yênhx ziv nênhs chia kria trâu lơưr pâuz mênhx hâux lưv jav ar kriz cêr muk lok kror muôx liv. Tov kaz ntơư, yax 50 ziv nênhs nhoz oz saz ntus cêr tưz tưx zênhv jav zuôr luôs 10.000 m2 ar kriz cêr muk lok. Pêx xênhv hâur jok tưz côngv yax 85 triệu nhiax, yênhx cxênhz hnuz jos uô cêr muk lok.

Ntơưv jok Ta Vắt, xã đriv têz Phiêng Pằn, muôx yax 170 ziv nênhs, yax 840 toz hâu nênhs, 100% zos Maz, tsuôk zos chos poz cưk thiaz kok ntông, luz nênhx njiz ntâu cêr txov nhêv. Saiz hloz nênhs muôx côngz hâur jok qơư sơưr, zơưs Lò Văn Yêu tưz đros Chi bộ, Ban Saiz car jok moz siaz gruô hu pêx xênhv hlôngr chos ntông nox txir; huôv tsar tsiax cxu cơư guôx thiaz chos tâux. Lar haik, shông 2016, jok tưz đros Công ty cổ phần caz tsiz suôz thax njêr Sơn La siz chos muôz câuk caz tsiz lok chos; viv li, pêx xênhz luz nênhx zênhv hnuz zênhv tâu jông jux juk.

Trơưk zơưs Yêu, hâux lưv hlôngr pêx xênhv tsưr ziv chos kôngz tsik zos zôngx ziv, xar tâu pêx xênhv njênhs, uô trơưk, mak zuk tsuv lês siv uô ntêx. Shông 2016, zơưs ziv nênhs tưz muôx pênhr xưv hlôngr chos hur si caz tsiz trâu zuôr luôs 1 ha têz poz cưk, xav fênhx đraz sâu tâu txix 35 txos 45 tấn/ha, sâu ntâu nhiax đuô poz cưk thiaz tsik tas ntâu đas jos por hưv, viv câuk caz tsiz, qir mfông, yuôx tsuôs tir tar caz hmoz puôr lênhx tâu Công ty muôs trâu thiaz chos luk zuôr tas pêx xênhv chor caz tsiz cias ntơưv qơư. Iz chas ntơư, zơưs ziv nênhs tsênhv chos tâu  2 ha mo môngk, txir khơưz, chuôz thox hmaz; cxưx nhiax uô guôx zus 14 tus nhux; chos yax 1,4 ha tâux puz nhux. Nhiv no, zơưs ziv nênhs tưz sâu nju yax 200 triệu nhiax/shông.

Zơưs Lò Văn So, Bí thư chi bộ, Hâu jok Ta Vắt, haik mênhx: Txix zơưs Lò Văn Yêu ziv nênhs tsưr ziv huôv tsar nhiax txiax muôx kaz hâu, ntâu ziv nênhs hâur jok tưz cơưv shâuv uô trơưk. Nhiv no, hur si jok tưz chos tâu yax 120 ha caz tsiz, txiar tâu yax 4.000 tấn; chos 100 ha poz cưk; yax 10 ha mo môngk, txir khơưz. Tsik tas li, zơưs Yêu tsênhv gruô hu pêx xênhv jav ar, côngv yax 50 triệu nhiax, yênhx puôz hnuz jos cxiv puôz tsêr txux chi jok.

Huyện Mai Sơn muôx yax 260 tus nênhs muôx côngz. Huyện puôr lênhx moz siaz paz chia nênhs muôx côngz saiz hloz zuk qơư sơưr hâur cxiv tsa thax tsav tsik tsês huôv tsar. Zơưs Lại Như Long, Phó Chủ tịch UBPX huyện Mai Sơn, haik tiak: Yênhx shông, huyện  puôr lênhx kriz jias muk shuôk thiaz krưr huv; fuô kria cêr chai trâu 100% nênhs muôx côngz hâur px hair nênhs tsơưs; kriz ntâu jias tso muk shuôk cơưv shâuv tsưr ziv.Txix shông 2022 txos nhiv no, tưz puz yax  3.000 fâu ntơưr, xor luôv trâu nênhs muôx côngz. Đros Ban Dân tộc tỉnh kriz 3 lớp kria nzir tsưr ziv trâu zuôr luôs 200 tus nênhs muôx côngz.

Têx nênhs muôx côngz hâur thax tsav huyện muôx vax huôv lok six zov chênhr zos nênhs xa pêx xênhv cêr chia siaz txos cấp ủy Đảng thiaz nov hâu. Nênhs muôx côngz puôr lênhx uô ntêx lông hâur têx cêr sik tưr “Hur si pêx xênhv cxiv tsa luz nênhx muôx txux chi”, “Hur si pêx xênhv tsưx truôx Têz qơưk nhoz njias to” thiaz cxiv tsa jêx jok yiaz. Gruô hu pêx xênhv huôv tsar nhiax txiax ziv nênhs chia sâu nju nhiax txiax, cxiv tsa luz nênhx hlôngr yiaz. Pâuz mênhx pêx xênhz cêr xar, chia siaz, txov nhêv, khuôv đais, txix ntơư kria trâu cấp ủy, nov hâu paz cxênhz yuôx, tu tiar cov tâu sai… paz chox tâu pêx xênhv cxuô hair nênhs cêr thôngx siaz, njênhs njôngr trâu Đảng, Têz qơưk./.