Zơưs Lò Văn Quý, Thơưx Phòng Dân tộc huyện Thuận Châu, haik pâuz: Cxia shông, huyện tưz kriz têx jias kria nzir tsưr ziv lok sâuv hâux lưv huôv tsar nhiax txiax, xã hội, por hưv cêr nox nhoz njias to thax tsav tỉnh, thax tsav huyện, côngz xưv tu plâuz hâur thax tsav, têx cêr chai hair nênhs tsơưs trâu têx nênhs tâu pêx xênhv njênhs hâur têx jok, tiểu khu. Paz zôngx ziv chia têx nênhs tâu pêx xênhv njênhs côngv lês têx hâux lưv xã hội, têx cêr siz tưr hâur thax tsav. Kria têx nênhs tâu pêx xênhv njênhs muôx ndâux luk trâu têx cêr tuôr xav huôv tsar nhiax txiax, xã hội, por hưv cêr nox nhoz njias to thax tsav; paz têx nênhs tâu pêx xênhv njênhs huôv tsar uô kôngz lông, cxơưz luz nênhx tâu jông chia saiz hloz têx nênhs tâu pêx xênhv njênhs qơư sơưr. Paz nênhs tâu pêx xênhv njênhs zaz zâuv pêx xênhv lês jông Đảng, Têz qơưk têx cêr chai, lês tiar hâux lưv chính trị hâur thax tsav.

Hâur shông 2023, huyện tưz kriz 5 jias kria nzir tsưr ziv trâu 1.260 lênhx tâu pêx xênhv njênhs. Krưr huv ndax Tsiaz têz qơưk Mir shông 2023 trâu 350 lênhx nênhs tâu pêx xênhv njênhs, hur si nhiax tas 175 triệu nhiax; muk shuôk 96 lênhx nênhs tâu pêx xênhv njênhs muôx moz thiaz cxênhz jê tas siv nênhx, xav tas 83 triệu nhiax. Kriz chox 295 lênhx nênhs tâu pêx xênhv njênhs muk shuôk, cơưv shâuv tsưr ziv, xav tas yax 502 triệu nhiax. Tưz nhav thiaz muôz 28.391 đaiv ntơưr trâu têx nênhs tâu pêx xênhv njênhs. Kriz kruôk 80 lênhx nênhs lês tâu hâux lưv jông hâur pêx xênhv hair nênhs tsơưs thiaz tox siaz ntu 2022-2023.

Nênhs tâu pêx xênhv njênhs hâur thax tsav tưz moz siaz lês côngz xưv hâur thax tsav, zos têx nênhs paz cấp ủy, nov hâu lol sâuv por hưv njias to thax tsav, nthuôr huôv jông txux chi cxuô hair nênhs, lês jông cêr sik tưr tas nro pêx xênhv thôngx siaz, cxiv tsa jêx jok yiaz, huôv tsar nhiax txiax. Txix shông 2022 txos nhiv no, têx nênhs tâu pêx xênhv njênhs hâur huyện tưz đros têx nênhs muôx vax huôv, tu yênhx cxênhz txuz hâux lưv cik txos cêr nox nhoz njias to; tir tar ntâu txuz tsir têz qơưk; siz chos fuô kria, zaz zâuv pêx xênhv jav 4 ha ar thiaz paz yax 3.000 hnuz jos, nhiax txiax chia cxiv tsa jêx jok yiaz; siz chos zaz zâuv pêx xênhv hlôngr nôngz kôngz yiaz chos trâu têz nxaz... cxơưz paz txo tsơưs zis pluôs hâur huyện yuôr 36,7%, grik 10,46% njuôk li shông 2022. Lês tâu jông hâux lưv li: Lường Văn Can, jok Ta Khoang, xã Chiềng Pha; Vưx Phair Tsưz, jok Pha Khuông, Vax Liax Tsưz, jok Co Nghè B, xã Co Mạ; Lường Văn Hiện, jok Co Sản, xã Liệp Tè; Hơưx Txơưx Nênhz, jok Thẳm Đón, xã Mường Bám; Tsaz Sôngz Nzuôv, jok Pá Ný, xã Pá Lông...

Shuôk jok Ta Khoang, xã Chiềng Pha, txox cêr hâur jok tâu kriz đar pho thiaz puôz khor kho. Chia cov lês tâu têx hâux lưv ntơư, mal zos tâu zơưs Lường Văn Can moz siaz fuô kria, zaz zâuv pêx xênhv jav ar chia kriz cêr. Zơưs Can tsênhv đros Ban saiz car jêx jok zaz zâuv yax 200 zis pêx xênhv hâur jok tsik cơư tsiax hâur kaz tsar lơưx, chia côngv đas jos chia cxiv tsa xã tâu côngz jêx jok yiaz shông 2023.

Zơưs Lường Văn Can haik pâuz: Cur zis nênhs tưz zênhv jav 20 thiar xưv phaz ar chia kriz cêr. Thâuv pêx xênhv hâur jok pov kror muôx liv, mak tưz jông siaz côngv cxiv puôz têx cêr hâur jêx jok.

Jok Pha Khuông, xã Co Mạ, huyện Thuận Châu, muôx yax 140 zis pêx xênhv đros trâu zuôr luôs 800 lênhx nênhs, 100% zos hair nênhs Hmôngz. Thâuv ntêx, pêx xênhv phênhv ntâu khênhr tsir têz qơưk, siz zuôr nzor; muôx ntâu têx cêr chai tsik muôx liv, pav tuôs ntêr hnuz... Chia txo tsơưs têx cêr chai tsik jông, têx nênhs tâu pêx xênhv njênhs hâur jok tưz uô ntêx lông fuô kria, zaz zâuv pêx xênhv lês trơưk. Zơưs Vưx Phair Tsưz, jok Pha Khuông, xã Co Mạ, thav pâuz: Cur zis nênhs tưz đros hâu jok thiaz Bí thư uô ntêx lông lês hâux lưv, txos nhiv no, pêx xênhv tưz jông siaz lês trơưk. Pêx xênhv luz nênhx zênhv hnuz zênhv uô tâu jông đuô, nhiv no jok yuôr zuôr luôs 19% zis pluôs. Cur tsênhv zaz zâuv pêx xênhv paz nhiax, jav ar, côngv đas jos chia uô 3.000 thiar cêr yêz jêx jok.

Têx nênhs tâu pêx xênhv njênhs thax tsav huyện Thuận Châu tưz yênhx têx nênhs paz trâu cấp ủy, nov hâu cxuô cấp thiaz pêx xênhv, cxơưz paz muôx cêr thôngx siaz cxuô hair nênhs, cxơưz huôv tsar nhiax txiax - xã hội, por hưv cêr nox nhoz njias to hâur thax tsav.