Têx shông đhâu, têx qơư phax tar moz njưk, têx tsêr kho moz, qơư chiv zênhk zênhz; 100% têx xã hâur tỉnh muôx cán bộ lês hâux lưv phax tar moz njưk. Yênhx shông Tsêr kho moz njưk tỉnh puôr fuô lês hâux lưv njuôk tsov njưk. Hâur shông 2025, tưz njuôk trâu 5.200 lênhx nênhs, cxênhz pov 41 lênhx nênhs moz njưk, muôx 2 lênhx moz zos mê nhuôv zâuk. Tyv tsôngv kho tâu jông 91%.

Shông 2026, têx đơn vị tror moz siaz fuô lês têx tsưr ziv chia phax tar moz ntơưv jêx jok, qơư njuôk kho moz, qơư chiv zênhk zênhz, tsêr cơưv nênhs hâur thax tsav tỉnh. Moz siaz njuôk trâu têx paz nênhs nziv zuôr muôx moz chia cov nzor cxênhz pov. Siz khov jông đros têx đơn vị njuôk kho moz hâur thax tỉnh chia njuôk cov nzor pov têx moz fêv… Sir jos cxênhz pov 28 lênhx nênhs moz njưk100.000 pêx xênhv; cxênhz pov 22 lênhx pêx xênhv muôx moz muôx vi khuẩn học/100.000 pêx xênhv; txo tsơưs têx nênhs tuôs viv moz njưk yuôr kik yax 3% hâur hur si têx nênhs moz njưk cxênhz pov; tyv tsôngk kho tâu jông tâu yax 90%.

Hâur Luôs hâux lưv, têx đại biểu tưz saz lax lok sâuv têx zav muôx yưv nhiv no thiaz hâux lưv saiz car, kho moz trâu têx nênhs moz njưk; cêr phiv liv chor nhov hâur lês côngz xưv phax tar nênhs moz njưk; têx hâux lưv phax tar, njuôk kho moz, saiz car yuôx moz njưk hov 1 ntơưv tsêr cơư nênhs; nzor pov, kho zênhx max txix li sir zôngv yuôx kho moz njưk ntơưv pênhr nhiax bảo hiểm y tế…

Hnuz ntiax têz phax tar moz njưk (24/3) shông no muôx njiaz luk “Nzor pov têx zav moz njưk đros trâu moz siaz njuôk moz trơưk chaix trâu cxuô lênhx pêx xênhv”. Tsêr kho moz njưk tỉnh thiaz têx đơn vị tưz moz siaz lês hâux lưv saiz hloz txix li têx hâux lưv mênhx pêv, chia nzor cxênhz piv moz njưk đhâu njuôk moz trơưk chaix, đhâu ntơư txo tsơưs hâux lưv cik moz trâu chôngz lênhx thiaz lês tâu jông hâux lưv njuôk kho moz trâu pêx xênhv hâur thax tsav.