Zos huyện muôx tox trôngz hâuk pêk siaz, muôx pak đêx tâur uô điện đêx chaik, hâux lưv muôz nhiax cxiv puôz cxuô zav jông trâu jêx jok tsik tsês tâu huyện moz siaz tuôr xav fuô lês fiv huv, chia uô tâu muôx liv. Zơưs Điêu Chính Bước, Trưởng phòng Kinh tế - Hạ tầng huyện Quỳnh Nhai thav kria: Tsi njênhk kror chox car ntơưv UBPX huyện, đơn vị tưz tsik tsês đros têx phòng, ban chuyên môn, nov hâu têx xã tsik tsês cxênhz yuôx hâux lưv saiz car têx vax tsê, tuôr xav, uô cêr yêz trâu cxuô qơư. Saz lax, kho đuô têx cêr yêz, qơư đêx hur, vax tsê chia kho thax tsav đrôngs huyện, saiz car cxiv puôz têx zav zov chênhr thax tsav têx xã.

Shông 2023, huyện Quỳnh Nhai tâu zok muôz nhiax uô 135 kror hâux lưv, dự án cxiv puôz zov chênhr. Phênhv ntâu têx dự án tâu cxiv puôz paz trâu pêx xênhv cêr nox nhoz, uô kôngz lông, chuôz jos chia huôv tsar nhiax txiax trâu thax tsav yuôr cêr txov nhêv. Hâur ntơư, huyện taz tov fuô lês têx dự án kho nzir, kho đuô thiaz cxiv tsa yiaz jê 50 kror qơư đêx hur hâuk, yax 20 kror qơư tâur đêx uô kôngz; cxiv puôz têx tsêr lớp cơưv, tsêr uô mor nox hâur yar cơưv trâu shuv xênhz; uô cxaz têx vax tsê trâu tsêr kho moz xã…, sir zôngv pênhr nhiax têz qơưk. Txos nhiv no, muôx 29 dự án tưz uô tiar  thiaz muôz lok sir zôngv, 96 dự án taz tov tâu cxiv tsa uô, 2 dự án tưz khov chia thêv nhiax, chos lul lês 3 dự án thiaz bax cxiv tsa uô 3 dự án.

Iz chas ntơư, huyện chox car fuô kria, gruô hu pêx xênhv côngv đas jos, nhiax txiax chia cxiv tsa uô cxuô qơư, fiv huv pêx xênhv cêr nox nhoz, muk lok. Hâu shông txos nhiv no, huyện tưz gruô hu têx sơưr đơưk côngv lênhv bê tông tiar 43 txox cêr yêz xav ntêr 7,4 caik ntơưv xã Chiềng Bằng thiaz Chiềng Khoang, xav hur si têx pênhr nhiax cxiv tsa yax 4,17 tỷ nhiax; hâur ntơư, pêx xênhv cxơưv tâu jê 3,5 tỷ nhiax, đuô li zos têz qơư paz. 

Zơưs Lường Văn Nguýn, Bí thư Đảng ủy xã Chiềng Bằng, thav: Hâu shông txos nhiv no, xã gruô hu pêx xênhv côngv nhiax, đas jos thiaz têx zav cxiv puôz xav tâu zuôr luôs 400 triệu nhiax đros têz qơưk paz chia lênhv bê tông 3 txox cêr yêz ntơưv Pom Sinh thiaz Púa Xe, xav đêz yax 900 thiar; cxiv puôz 10 luz trôngx lôngs jok, đhok 16 luz kê tênhz điện yar ntux pov cêr trâu cxuô ntu cêr. Txos nhiv no, xã uô tâu 12/19 tiêu chí xã jêx jok yiaz hov jông.

Tuôr xav cxiv puôz cxuô zav jông paz trâu cêr xav cxiv puôz huyện tâu côngz jêx jok yiaz, zơưs Cầm Văn Huy, Phó Chủ tịch UBPX huyện, thav pâuz: Huyện tsik so muôz nhiax cxơưz cxiv trâu têx hâux lưv, dự án zov chênhr, chia uô tiar têx zav jông lok sâuv cêr yêz, tâur đêx uô kôngz, njuôk, kho moz, choz kria ntơưr, txux chi … Paz têx xã tsik tâu công nhav tâu côngz jêx jok yiaz, xã taz tov cxiv tsa jêx jok yiaz hov jông thiaz têx tiêu chí cxuô zav jông trâu têx xã tưz tâu côngz jêx jok yiaz, taz sik tâu txo tsơưs njuôk li bộ tiêu chí xã jêx jok yiaz ntu shông 2021-2025.

Quỳnh Nhai taz tov chox car côngz xưv chox car cxênhz yuôx têx hâux lưv, dự án zuk thax tsav, côngv lês côngz xưv tuôr xav thiaz tuôr xav nhiax fiv huv têx qơư cxiv puôz trơưk li têx hov muôx. Đros ntơư, fuô lês têx tsưr ziv đơưk phiv liv chia iz thênhv jux juk lês tiar têx tiêu chí lok sâuv uô jông cêr yêz, vax tsê cxiv puôz huyện Quỳnh Nhai tâu côngz jêx jok yiaz trâu shông 2025./.