Ntơưv jias no, BHXH tỉnh tưz puz 240 đaiv ntơưr BHYT, xav tas zuôr luôs 17,5 triệu nhiax trâu pêx xênhv têx xã: Tân Lập, Đông Sang, Chiềng Hắc (iz luz xã 80 đaiv ntơưr BHYT). Ntơư zos têx nênhs tsơưs tsik zos têx nênhs tâu Têz qơưk paz thêv, paz zuôr BHYT; nênhs tsik muôx ntơưr BHYT zos nênhs nhiv kruôr hla đhâu cêr pluôs; nênhs zos ziv pluôs, ziv jê cêr pluôs, nênhs uô nênhx tov thơưx tsik tâu zuôr BHXH, BHYT thiaz nênhs txov nhêv, tsik txơưv zênhx. Têx nhiax zuôr BHYT zos cán bộ, công chức, viên chức cơ quan BHXH tỉnh côngv cxơưv tâu.

Luôs hâux lưv paz tsar nênhs muôx ntơưr BHYT thax tsav huyện Mộc Châu haik khênhx thiaz hur si tỉnh haik tas nro, uô tâu muk đêz đar cêr chai uô nênhx yar ntux hâur Têz qơưk, “Côngv têk viv nênhs pluôs – Tsik chia lênhx tưs pôngz kaz” zos Thủ tướng Chính phủ gruô hu. Đros ntơư, paz têx nênhs txov nhêv txo tsơưs cêr phiv liv lok sâuv nhiax njuôk, kho moz txix li muôx BHYT thâuv muôx moz...