Ntơưv têx yar cơưv, paz nênhs tưx zênhv uô hâux lưv tưz krưr 119 hnaz huv muôx: Yo tir no, câuk mov tir no, khâu, graix jov, suôz thax thiaz cuô mik nhux cux li muôz nhiax phôngv shông yiaz trâu têx shuv xênhz muôx luz nênhx txov nhêv, mê nhuôv njuôs, tsiv nhos yax 50 triệu nhiax. Tsik tas li, paz nênhs cux tsênhv krưr nhiax paz cơưv ntơưr (yênhx hli 300 cxênhz nhiax tax txos 18 shông) trâu 22 shuv xênhz njuôs hâur yar cơưv Tiểu học Mường Bám I thiaz yar cơưv Tiểu học Mường Bám II.

Uô ntêx no, hli 11/2024, Paz nênhs cux tưz muôz nhiax paz cơưv ntơưr trâu 62 shuv xênhz njuôs nhoz têx yar cơưv tiểu học hâur thax tsav 6 xã tox siaz Thuận Châu (yênhx hli 300 cxênhz nhiax tax txos 18 shông), xav hur si yax 1,8 tiv nhiax. Đros ntơư, paz nênhs cux tưz cxênhz yuôx têx yar cơưv txov nhêv chia cxiv tsa tsưr ziv paz cxiv puôz txox cêr thiaz tsêr cơưv ntơưr, chia paz cưk kria thiaz shuv xênhz tox siaz cxaz nzir đas jos cơưv ntơưr thiaz kria ntơưr jông đuô.