Chia paz trâu têx shuv xênhz tưr tas ntơưr THPT shông 2024, têx tổ chức Đoàn hâur tỉnh Sơn La tưz gruô hu hur si sơưr đơưk côngv tâu 538 triệu nhiax. Txix têx nhiax no tưz paz trâu 406 shuv xênhz muôx luz nênhx txov nhêv, tsiv nhos 106 triệu nhiax; bax 5.576 taik mor trâu têx pluôk mor hâur hnuz, 2.100 luz nduôr kaz jiz, 15.820 hưx đêx liv, đêx kaz jiz, taik cuô mik nhux thiaz têx chuôz zênhx li: chưx mêv, compa, máy tính gra têk,... trâu têx shuv xênhz hâur têx hnuz tưr.

Muôx njêx muôs têx tuz nxais hluôs tưx zênhv paz trâu cxuô kror qơư hâur tỉnh, tsik zos paz ntuôk têx shuv xênhz xưz, mak tsênhv cxơưz tổ chức Đoàn, Hội vax huôv, qơư sơưr hâur têx hâux lưv viv pêx xênhv sơưr đơưk, lar haik Hâux lưv “Paz shuv xênhz tưr ntơưr” shông 2024.