Đros trâu hâux lưv pox niav hur si têz qơưk, Hội Liên hiệp pox niav tỉnh Sơn La zênhv hnuz zênhv huôv tsar lol sâuv paz pơưs, muôx chôngz hội viên, pox niav côngv lês jông têx hâux lưv, cêr siz tưr ntơưv hội. Nhiv no, thax tsav tỉnh muôx 1 tổ chức hội cấp tỉnh, 12 hội Liên hiệp pox niav cxuô huyện, thành phố, 3 tổ chức hội đơn vị zos hội pox niav tỉnh saiz car, 204 hội pox niav xã, phường, thị trấn thiaz yax 2.000 chi, tổ hội, đros trâu hur si yax 232.600 hội viên. 100% têx cán bộ Hội Liên hiệp pox niav tỉnh, cán bộ hội thơưx car cấp huyện thiaz 204/204 chủ tịch hội pox niav cxuô qơư muôx thơưx car trơưk chai fuô.

Cxuô cấp hội tsik tsês tso yar sik tưr đros trâu lês trơưk têx jâus zaz zâuv, li ntơư tưz muôx chôngz hội viên, pox niav côngv lês. Lar haik mal cêr sik tưr “Cxiv tsa pox niav Việt Nam hâur ntu nênhx yiaz” đros trâu cxiv tsa pox niav Sơn La “thôngx siaz, siaz đơưz, nhiav kruô, hlôngr yiaz, sir jos hâur luz nênhx”, tưz muôx chôngz lênhx pox niav uô côngz xưv têz qơưk thiaz pox niav nhoz jêx jol, chuôz jos trâu têx pox niav sir jos cơưv shâuv cov txơưx njê, cux li moz siaz côngv trâu cxuô luz luôs hâux lưv hâur têz qơưk; chok nxias pox niav kror qơư sơưr hâur tsêr nênhs thiaz hâur têz qơưk.

 Đhâu hâux lưv siz tưr tưz muôx 1.102 pox niav tâu côngz “Pox niav uô tâu hâux lưv jông”; 354 paz pơưs thiaz tus khênhx tâu kruôk. Lar haik, ntơưv jâus tưr suôx câuv hâur thax tsav “Pox niav piz uô hâux lưv – Huôv tsar têx zav muôx txơưv hâur thax tsav shông 2023”, zos Hội Liên hiệp pox niav Việt Nam kriz, 3 dự án ntơưv tỉnh Sơn La puôr lênhx tưr tâu jông, ntơư mal tưr tâu 1 hov iz thiaz 2 hov cxơưz jos. Ntơưv jâus tưr hur si têz qơưk muôx 1 dự án tưr tâu hov pêz.

Saiz hloz jâus zaz zâuv “Cxiv tsa zis nênhs 5 tsik muôx, 3 hur”, txos nhiv no, hur si Hội muôx 4.113 zis tâu côngz “zis nênhs 5 tsik muôx, 3 hur” lol sik “zis nênhs 5 muôx, 3 hur”. 100% cơ sở hội lês 1 zav hâux lưv, phênhv hâux lưv, paz iz phênhv tưs cxiv tsa jêx jol yiaz thiaz đrôngs vav mênhx. Cxuô qơư tưz tsưx truôx hâux lưv “Sâu khâuz nhaz zak zưr”, “Chi hội pox niav 3 hur cxiv tsa jêx jol yiaz hov jông”, “Txox cêr pox niav tưx saiz car”.

Lês jông cêr sik tưr “Hlôngr yiaz uô hâux lưv hâur cxuô cấp Hội thax tsav tỉnh Sơn La”, shông 2023, Hội tưz kriz 6 jias kria nzir tsưr ziv, kria zôngv chuôz zênhx yiaz, zôngv têx zav đruôz mair uô hâux lưv trâu 600 cán bộ hội pox niav cxuô cấp. Chox car cxuô cấp hội cov “Zôngv công nghệ thông tin” chia lês hâux lưv hội. Côngz xưv siz nus mông, haik txos têx hâux lưv sâuv têx Zalo cán bộ hội cxuô cấp tsưx truôx hâux lưv. Fuô lês jông ntâu jâus tưr đhâu mạng zos Trung ương, tỉnh tso yar.

Saiz hloz cêr nhiav têz nhiav qơư ntơưv pos Trưng, pos Triệu, pox niav Sơn La tror hlôngr yiaz têx hâux lưv siz tưr, têx jâus zaz zâuv, têx zav uô tâu jông thiaz côngz xưv zov chinhr hâur hội, côngv huôv tsar nhiax txiax puôk tsar zav hâur thax tsav, paz iz phênhv tưs cxiv tsa tỉnh huôv tsar njuôz, sai thiaz truôx njês./.