Zơưs Nguyễn Văn Thu, Thơưx Ban Dân tộc tỉnh, haik kria: Tas luz 1 hli shông 2024, txix li nhiax Hâux lưv huôv tsar nhiax txiax-xã hội thax tsav hair nênhs tsơưs thiaz tox siaz ntu 2021-2030, tỉnh tưz paz zuôr luôs 241 tiv nhiax trâu 179 ziv nênhs hair nênhs tsơưs tsik muôx ar nhoz, 239 ziv nênhs tsik muôx têz chos kôngz lông; siz chos paz 20.722 tus nênhs muôx hâux lưv uô; kria cơưv uô hâux lưv trâu 3.107 lênhx nênhs pluôs, jêx cêr pluôs hâur thax tsav tỉnh…Fuô lês Đề án “Paz por hưv pox niav txir nênhx thax tsav hair nênhs tsơưs vax huôv siz txis ntu 2018-2025”, Ban Dân tộc tỉnh tưz siz chos 14 jias cơưv fuô kria lok sâuv Cêr chai pox niav txir nênhx vax huôv siz txis, Cêr chai Siz zuôr ziv nênhs, Cêr chai Tir tar ziv nênhs siz chês, siz ntâuk trâu yax 6.000 lênhx shuv xênhz têx yar cơưv thax tsav hair nênhs tsơưs pâuz…

Tas shông 2023, xav fênhx đraz iz lênhx nênhs zos pêx xênhv hair nênhs tsơưs sâu tâu yax 21 triệu nhiax/shông; têx ziv pluôs hair nênhs tsơưs grêk 3%/shông; 53,3% lênhx hair nênhs tsơưs zuôr BHYT...

Muk txos xã jêx jok yiaz Mường Lầm, huyện Sông Mã, tưz pov muôx “ntâu kror hlôngr yiaz” hâur thax tsav tsênhv njiz ntâu cêr txov nhêv; cxuô luz tsêr tâu cxiv puôz truôx khor, têx txox cêr lênhv tas bê tông cxuô luz jok puôr lênhx jông jav hur si, paz pêx xênhv zôngx ziv muk lok huôv tsar kôngz lông, pâur muôs hax huv. Zơưs Lò Văn Tới, Phó Chủ tịch UBPX xã Mường Lầm, shir phaz lus thav: Xã muôx 8 luz jok, zuôr luôs 1.300 ziv nênhs, yax 6.000 toz hâu nênhs, phênhv ntâu zos hair nênhs Poz Ziz, Hmôngz. Txix têx hâux lưv, nhiax lês cêr chai hair nênhs tsơưs, nhiv no 8 luz jok hâur xã tưz muôx tsêr txux chi; 20 txox cêr muk lok hâur jok, ntâu luz jok tâu lênhv tas bê tông jông jav hur si; cưx lias, tsêr cơưv ntơưr thiaz tsêr kho moz xã tâu muôz nhiax cxiv tsa uô đar pho; tsuôk zos yuôr yax 4% zis pluôs lơưv xưz… Têx hâux lưv uô tâu, tưz paz xã lês tiar têx tiêu chí thiaz công nhav xã tâu côngz jêx jok yiaz shông 2023.

Zơưs Lò Văn Thiên, Lưv Thơưx phòng Dân tộc huyện Sông Mã, thav pâuz: Txix li nhiax muôz lês Hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz, huyện tưz muôz yax 74 tiv nhiax cxiv puôz 80 kror qơư thiaz cxiv kho têx qơư đêx hur, cêr mul trâu 15 xã thax tsav tox siaz; 4 jok lok six txov nhêv nhoz 3 xã thax tsav đrôngs; paz yax 9.000 lênhx hâur cxuô luz xã, jok thax tsav hair nênhs tsơưs muôx hâux lưv uô…, cxơưz pêx xênhv cxuô hair nênhs luz nênhx zênhv hnuz hlôngr yiaz.

Tror por hưv pêx xênhv hair nênhs tsơưs luz nênhx, Ban Dân tộc tỉnh tror saz lax trâu Tỉnh ủy, HĐPX, UBPX tỉnh chox car fuô lês Nghị quyết số 10/NQ-CP hnuz 28/1/2022  ntơưv Chính phủ lok sâuv tso tơưv Tsưr ziv fuô lês côngz xưv hair nênhs tsơưs ntu 2021-2030, tsov xav txos shông 2045; khov têx bộ, ngành Trung ương nzor cxiv kho, cxaz nzir têx thông tư, ntâuz ntơưr kria mênhx pêv hâux lưv fuô lês têx dự án, dự án zâu, cxênhx cxênhv hâur têz qơưk Hâux lưv huôv tsar nhiax txiax xã hội thax tsav hair nênhs tsơưs… Sir jos shông 2025, xav fênhx đraz iz lênhx zos pêx xênhv hair nênhs tsơưs hâur thax tsav tỉnh sâu tâu nhiax tsar 2 bâus njuôk li shông 2020; yênhx shông txo grêk tsơưs txix 4-5% ziv pluôs, jê cêr pluôs ntơưv têx xã lok six txov nhêv; 44% luz xã thax tsav hair nênhs tsơưs tâu côngz jêx jok yiaz…