Nhiv no, thax tsav huyện Mộc Châu muôx 38 kror qơư uô mor nox hâur yar cơưv, 393 qơư muôs kak nox, đêx hâuk, 208 kror qơư muôs kak nox ntơưv têx ntus cêr. Huyện Mộc Châu tưz chox car têx cơ quan chuyên môn đros Trung tâm Y tế huyện fuô kria têx cêr chai têz qơưk lok sâuv por hưv kak nox hur txos trâu têx qơư uô kak nox thiaz têx zis kriz cêr nuôv zax. Đros ntơư, tsa paz cxênhz yuôx liên ngành muk cxênhz yuôx trơưk tsưr ziv phaiz cấp saiz car têz qơưk; moz siaz trâu hâux lưv lês trơưk cêr chai lok sâuv por hưv kak hur ntơưv têx qơư uô kak nox, uô lax luôv; cxênhz yuôx chia nzor pov, bluô ntov nti têx nênhs cxâuv.

Zơưs Nguyễn Văn Thuần, Phó Giám đốc Trung tâm Y tế huyện Mộc Châu, haik pâuz: Ntâu shông đhâu, hâur thax tsav huyện tsik pov muôx yưv têx nênhs nox tâu kak nox muôx tâus. Hâur jias kriz Tuần txux chi, nuôv zax shông no, paz cxênhz yuôx tưz moz siaz trâu côngz xưv por hưv kak nox hur ntơưv 2 thị trấn, xã Mường Sang, Đông Sang, têx qơư nuôv zax zuôr kriz têx hâux lưv ntơưv Tuần txux chi, nuôv zax. Đros ntơư, chox car têx xã, thị trấn cxênhz yuôx têx qơư trơưk tsưr ziv phaiz cấp; kriz trâu 100% zis chos luk por hưv kak nox hur.

Qơư nuôv zax Mộc Châu Island, xã Mường Sang, zos thax tsav chôngz lênhx kruô nhiav ndis shuôk thâuv tuôx trâu lax trôngz Mộc Châu. Hâur Tuần txux chi, nuôv zax shông 2024, Qơư nuôv zax zuôr kriz Ciaz “Suôz kênhx hu fôngx zưs shông 2024” đros trâu ntâu têx hâux lưv lov jêv, tuôr xav cxuô hnuz, qơư nuôv zax zuôr tok yênhx cxênhz pưs kruô. Viv li, côngz xưv por hưv kak nox hur puôr lênhx tâu qơư nuôv zax moz siaz txos.

Tix lâus Hoàng Mạnh Duy, Phó Giám đốc chox car Thax qơư nuôv zax Mộc Châu Island, haik pâuz: Tsêr nox mor shôngz Tabamboo ntơưv qơư nuôv zax muôx têx kak nox zos têz qơưk Châu Âu, Á thiaz zos kak nox ntơưv hair nênhs nhoz saz Tây Bắc muôx lok six ntâu zav txâuk trâu 2.500 lênhx kruô nox. Hâux lưv xair kak nox tâu moz siaz cxênhz yuôx ntov nti; qơư uô kak nox hur si, têx chuôz zênhx tâu uô tiz jông tsês; muôx ntơưr thiaz qơư trâu trơưk đraiv cêr chai. 300 lênhx nênhs uô hâux lưv hâur no zuôr uô tiz jông tok têx kruô tuôx trâu ntơưv no. Iz chas ntơư, pêz tsênhv cxaz nzir 120 lênhx ntơưv têx qơư txơưr lok paz trâu qơư uô kak nox, chia cov uô tâu kak nox kaz, nhaz xênhz, tâu têx kruô nhiav.

Qơư uô kak nox Tuân Gù nhiv no muôx 2 kror qơư ntơưv thị trấn Mộc Châu thiaz thị trấn Nông trường Mộc Châu, hâur ntu muôx nênhs chôngz, muôx txâuk trâu 1.500 lênhx kruô nox. Tix lâus Nguyễn Đình Tuân, tsưr qơư uô kak nox haik pâuz: Hur si têx uô hâux lưv txix li zuôr cxuô zav jâuz txos trâu ntu uô kak nox tâu pêz moz siaz lês trơưk cêr chai ntơưv qơư uô kak nox. Chox têx nênhs uô hâux lưv muk njuôk moz trơưk chaix; puôr lênhx tu hur si cxuô kror qơư thiaz têx chuôz zênhx chia por hưv tâu kak nox hur.

Lês cxuô faz tsưr ziv chia por hưv kak nox hur tâu cơ quan muôx vax huôv thiaz têx qơư uô lax luôv kak nox ntơưv thax tsav huyện Mộc Châu moz siaz txos, chia cov Tuần txux chi, nuôv zax shông 2024 “Mộc Châu - Suôz chơư luz chaix cêr gâux đrâus” paz trâu têx kruô nuôv zax hâur têz qơưk thiaz oz chas têz ndo njôngr tsik plox.