Luz tsêr cơưv mê nhuôv zâuk Suối Pa, nhoz ntơưv jok Bương Pa, xã Kim Bon, nhiv no zos iz luz tsêr cơưv tsênhv yuôr ntâu cêr txov nhêv. Luz tsêr cơưv no, muôx 2 qarr tsêr cơưv, đar 60 thiar, tas nto zôngv tas 250 triệu nhiax, zos Công ty TNHH Vận tải Hoàng Long, Hà Nội paz. Luz tsêr tâu njuôk tsov uô tsêr cấp 4, puôz vuôk ar, vor vuôk muôx pax tir cuz, muôx điện, đêx paz max hâux lưv kria thiaz cơưv.

Zuôr uô cov tiar luz tsêr no lok zôngv trâu luz 2/2026, cov txâuk vax tsê chia kria thiaz cơưv ntơưr trâu têx cưk kria thiaz shâuv xênhz jok Suối Pa. Ntơư, zos luôs hâux lưv muôx txiax njis tâu tổ chức Đoàn thiaz têx đơn vị paz chia cxơưz xưv cxênhx choz kria thax tsav tsênhv txov nhêv.

Ndax no, Ban Thường vụ Tỉnh Đoàn Sơn La tưz krưr 300 luz yo tir no trâu têx shâuv xênhz nhoz têx tsêr cơưv zos yar cơưv Mê nhuôv zâuk Ánh Sao saiz car, chia paz shâuv xênhz kênh cêr phiv liv, tso siaz cơưv shâuv hâur luz chaix ntux tsâus.