Sơn La nhiv no muôx yax 33.600 ha cà phê, zos thax tsav chos cà phê yuôx zêx (Arabica) ntâu yax hâur hur si têz qơưk. Shông 2025, xav đê tâu 37.700 tấn cà phê nôngz; têx qơư tâu muôz ntơưr chứng nhav truôx njês tâu yax 35.000 lưv ha. Hur si tỉnh muôx 28 tsêr luôv, hợp tác xã côngv chos thiaz uô hax huv; 5 hax huv txâuk chai OCOP. Têx hax huv muôs muk trâu oz chas têz tâu 27.800 tấn, xav tâu yax 112 triệu đô la. Taz sik, saz cà phê cux tsênhv njiz ntâu cêr phiv liv, li: Qơư chos tsik uô cê, đêx ar, huôz chuô txơưr txar, cêr siz khov tsênhv tsik tâu truôx khor...

Dự án zos Chính phủ Australia cxơưz paz đhâu Luôs hâux lưv Siz khov Mekong - Australia (MAP), fuô lês txix nhiv no txos hli 3/2029 ntơưv têx xã Mường Chanh thiaz Muổi Nọi, muôx têx hâux lưv: Kria nzir tsưr ziv lok sâuv sir zôngv tsưr ziv tu kôngz fiv huv đêx ar, huôz chuô txơưr txar; cxiv kho đuô têx qơư chos cà phê tưz lâuk chia hlôngr chia chos zav nôngz tir tâu ntux yar, ntux nas. Iz chas ntơư, dự án tuôr xav kriz đar têx qơư chos kôngz đros trâu chos jôngr thiaz paz tuz kôngz lês hâux lưv uô tơưv cà phê thiaz kriz đar qơư muôs hax huv đhâu têx hợp tác xã chia cov hax huv muôs tâu gri đuô…

Dự án chia tu kôngz cov fiv huv đêx ar, huôz chuô txơưr txar trâu têx nênhs nhoz trâu tox siaz, yax hlo zos pêx niav hair nênhs tsơưs, hluôs nênhs thiaz nênhs muôx moz. Đros ntơư, cxơưz paz huôv tsar nhiax txiax truôx njês hâur saz cà phê. Đhâu dự án, pêx xênhv tâu paz kria nzir tsưr ziv tu kôngz fiv huv đêx ar, huôz chuô txơưr, paz têx nênhs txov nhêv hla đhâu cêr phiv liv.

Muôx luk jias no, đồng chí Nguyễn Thành Công, Phó Chủ tịch UBPX tỉnh, haik mênhx: Hâux lưv fuô lês dự án muôx txiax njis zov chênhr hâur ntu cà phê muôx ntâu zav txơưr txar. Đồng chí cxiz cov têx sở, ngành, thax tsav cik txos moz siaz siz khov, paz zôngx ziv chia cov dự án nthuôr huôv tâu jông, cxơưz paz pêx xênhv sâu nju nhiax txiax thiaz huôv tsar saz cà phê trơuk faz njuôz hur, truôx njês.