Chox tiz nênhs ntơưv tỉnh muk uô hâux lưv trâu oz chas têz qơưk puôr lênhx nhav tâu kror moz siaz chox car ntơưv Tỉnh ủy, HĐPX, UBPX tỉnh; kror jông siaz đros uô thiaz siz chos lês ntov nti ntơưv cxuô cấp, ngành, thax tsav hâur tỉnh. Hâux lưv fuô kria têx cêr chai ntơưv Đảng, Têz qơưk lok sâuv côngz xưv chox tiz nênhs muk uô hâux lưv trâu oz chas têz trơưk chos luk tâu fuô lês tsik tsês. Iz chas ntơư, têx ngành, thax tsav tưz kria pâuz, paz têx tsêr luôv nto mông tâu Bộ Nội vụ puz ntơưr tuôx kria pâuz, xair tiz nênhs thax tsav tỉnh muk uô hâux lưv... Đhâu no, paz tiz nênhs pâuz mênhx têx xor mông yiaz lok sâuv xair tiz nênhs muk uô hâux lưv ntơưv têx tsêr luôv chox tiz muk uô hâux lưv trâu oz chas têz.

Hâur ntu 2020-2024, hur si tỉnh muôx 1.356 lênhx muk uô nuv trâu têz qơưk đrâuv. Têx têz qơưk nhav ntâu tiz nênhs tuôx uô hâux lưv, li: Nhật Bản, Đài Loan thiaz Hàn Quốc. Xav iz tus tiz nênhs muk uô hâux lưv trâu oz chas têz sâu tâu txix 25-35 triệu nhiax/hli, paz ntâu ziv nênhs luz nênhx tâu jông, cxuz cêr yaiz pluôs.

Nhiv no, têx nênhs uô nuv muôx txix 15 shông tror sâuv muôx 805.000 lênhx, txênhz 57,5% xav hur si toz hâu nênhs. Taz sik, têx nênhs tâu kria uô hâux lưv tâu 63% thiaz tyv tsôngv muôx ntâuz ntơưr, tâu công nhav cơưv tiar tsênhv muôx tsơưs, tâu 28%. Yênhx shông, yênhx châuv cxênhz hluôk nênhs nhoz shông uô hâux lưv, tưz pov yưv cêr xar muôx cov tâu hâux lưv uô, taz sik hâur thax tsav ho muôx tsơưs hâux lưv. Viv li, chox nênhs muk uô nuv trâu oz chas têz tâu tsov xav zos zov chênhr.

Nghị quyết Đại hội đại biểu Đảng bộ tỉnh Sơn La jâus tiv 16 ntu 2025-2030 cux tso tơưv tsưr ziv uô mênhx pêv: Hlôngr yiaz choz kria uô hâux lưv đros trâu cêr lax luôv; sir jos chox cov tâu 5.000 lênhx muk uô hâux lưv trâu oz chas têz trơưk chos luk; 100% xã, phường puôr lênhx muôx nênhs muk uô hâux lưv trâu oz chas têz...

Txix kror muôx tias hâur luz nênhx thiaz taix nus ntơưv kror huôv tsar, hâux lưv cxiv tsa Đề án chox tiz nênhs ntơưv tỉnh Sơn La muk uô hâux lưv trâu oz chas têz trơưk chos luk ntu 2025-2030 tâu tỉnh moz siaz fuô lês. Đề án tso tơưv têx tsưr ziv zuôr tsuv uô: Cxiv tsa côngz xưv chox tiz nênhs muk uô hâux lưv trâu oz chas têz yênhx faz tsưr ziv zov chênhr hâur paz tiz nênhs muôx hâux lưv uô, sâu nzir nhiax zôngv thiaz cxiv tsa luz nênhx hlôngr yiaz, lar haik ntơưv têx thax tsav txov nhêv, hair nênhs tsơưs. Đros trâu têx tsưr ziv uô mênhx pêv: Shông 2026 mak 700 lênhx; shông 2027 mak 900 lênhx; shông 2028 thiaz 2029 yênhx shông 1.100 lênhx; shông 2030 mak 1.200 lênhx. Sir jos 100% xã, phường hâur thax tsav tỉnh puôr lênhx muôx nênhs muk uô hâux lưv trâu oz chas têz. Nhav nxiak 100% lênhx tâu kria luk oz chas têz, xair cơưv uô hâux lưv thiaz cêr chai uô ntêx thâuv muk uô hâux lưv trâu oz chas têz. Muôx tsơưs yax 70% lênhx tov kaz uô hâux lưv tas hnuz nhôngs tror lok tsêr muôx hâux lưv uô tsik tsês lok sik tưx zok tâu hâux lưv uô.

Chia uô tiar tsưr ziv zos cêr tuôr xav, Đề án tsênhv tso tơưv 9 paz hâux lưv zov chênhr, taix nus zuôr tsuv tâu kror jông siaz đros uô ntơưv hur si cêr chai ndêx ntus chính trị. Tsik tsês tâu kror chox car ntơưv cxuô cấp uỷ, nov hâu, zok tsưr ziv uô mênhx pêv yênhx shông trâu têx thax tsav thiaz saiz ntơư zos luôs hâux lưv zov chênhr hâur tuôr xav huôv tsar nhiax txiax- xã hội. Tsik tsês fuô kria xor mông, hlôngr yiaz zaz zâuv, xav tơưv têx ntu tso xor, xa đuôz têx luk Choz Tsiz, Poz Ziz thiaz Hmôngz trâu pêx xênhv đros pâuz.

Tâu kror uô jông bax thiaz muôx ntâu tsưr ziv uô mênhx pêv, Đề án chia siaz zuôr paz nhiax txiax- xã hội ntơưv Sơn La muôx ntâu hlôngr yiaz, lês tiar hâux lưv cxuz cêr yaiz pluôs truôx njês.