Shông cơưv 2024-2025, Yar cơưv Mê nhuôv zâuk xã Chiềng Hắc muôx 6 tsêr cơưv jêx jok, 17 lớp thiaz 440 shuv xênhz; 29 cán bộ, cưk kria. Đros trâu Tsêr cơưv jêx jok Ta Niết, muôx 69 shuv xênhz, 4 cưk kria.

Yênhx shông, têx shuv xênhz hloz siaz tâu 98,4%; huôv tsar lo luk tâu 96,8%; 100% shuv xênhz tâu por hưv nhaz xênhz lok sâuv hloz siaz hloz chêr; 100% shuv xênhz nox su hâur yar cơưv nhav nxiak nox tâu jâuz mor muôx cuôz, nhaz xênhz.

Tsêr pư su trâu shuv xênhz Tsêr cơưv jêx jok Ta Niết tâu cxiv puôz muôx 3 qar tsêr thiaz 1 luz tsêr mor; xav hur si 2,4 tỷ nhiax, txix Pênhr "Viv nênhs pluôs" Quân khu 2 thiaz nhiax paz ntơưv Khối sik tưr số 2, Bộ Quốc phòng. Công ty TNHH cxiv puôz Việt Hùng, thành phố Hà Nội đơn vị kria pâuz; Trung đoàn 754 zos đơn vị uô; hnuz nhôngs cxiv puôz txix luz 6 hli txos luz 9 hli shông 2025.

Hâux lưv piz cxiv puôz tsêr pư su trâu shuv xênhz Tsêr cơưv jêx jok Ta Niết muôx txiax njis lok six zov chênhr. Thâuv uô tiar thiaz muôz zok sir zôngv tsêr pư su trâu shuv xênhz zuôr paz hlôngr yiaz hâux lưv choz kria ntơưr, shuv xênhz cxuô hair nênhs hâur thax tsav muôx qơư so, cơưv ntơưr đu lus hur si, nhaz xênhz trơưk li Bộ tiêu chí Yar cơưv mê nhuôv zâuk txâuk chai têz qơưk.