Jok Hùn, phường Chiềng Cơi nhoz đêz đrôngs tỉnh 6 km, muôx tox trôngz hâur pêk jông txơưr hlo đros trâu chos liax kiz ntai, pak đêx tâur, đêx ar huôz chuô nyiaz hur; đros ntơư, tsênhv txuôs jông hair nênhs Poz Ziz ntâu txux txux chi cênhz cưv jông kror muôx gri đros trâu muôx yax 100 luz tsêr tsar lơưx thiaz têx paz haik cưr cxiax pêx xênhv. Jok muôx yax 20 ha blêx liax, 145 ha txir khơưz, 175 ha cà phê, zôngx ziv huôv tsar nuôv zax kôngz lông, nuôv zax jêx jok. Đề án sir jos txos shông 2030, jok Hùn tâu công nhav zos qơư nuôv zax jông; gruô hu 60.000 lưv kruô, xav hur si sâu tâu 64 tỷ nhiax, sâu nju nhiax txiax fênhx đraz yax 12%/shông. 

Fuô lês Đề án, phường Chiềng Cơi moz siaz cxiv tsa têx huv nuôv zax jêx jok đros trâu cxiv kho tox trôngz hâur pêk, por hưv đêx ar huôz chuô nyiaz hur; cxiv tsa têx txox cêr chos pax trâu oz saz ntus cêr, txox cêr chos ntâu tsoz pax huôv tsar, qơư check-in hâur liax kiz ntai thiaz pak đêx tâur. Đros ntơư, tsênhv huôv tsar têx huv ndis shuôk jông txơưr hlo, li: đê txir khơưz, đê txir cà phê, chos blêx, cxov njêk hâur liax, nox jâuz mor kaz hair nênhs tsơưs; nthuôr cưr cxiax tênhx tus, hnuz grâuv pax cênhz cưv, têx cêr uô si pêx xênhv tênhx tus, cxiv kho hâux lưv cênhz cưv. Tsik tas li, tsênhv zaz zâuv têx ziv nênhs huôv tsar têx tsưr ziv homestay, ndis shuôk vax chos ntông nox txir, nur njêk, so txuôs jos; đros têx qơư nuôv zax nhoz jê siz chos cxiv tsa ntâu huv nuôv zax, chia chơư chôngz kruô tuôx shuôk thiaz nuôv zax.

Ntơưv jias cơưv, thơưx car phường Chiềng Cơi cxiz cov têx phòng, ban chuyên môn phường, cấp ủy, nov hâu thiaz pêx xênhv jok Hùn moz siaz fuô lês muôx kaz hâu đề án; gruô hu ntâu zav nhiax pênhr cxưx nhiax cxiv puôz vax tsêr, cêr muk lok, iz phênhv tưs uô tiar têx tiêu chí zos qơư nuôv zax jông; đros trâu huôv tsar nuôv zax thiaz txuôs jông hair nênhs txux chi thiaz por hưv pêx xênhv luz nênhx hlôngr yiaz.

Hâux lưv fuô lês đề án cxơưz paz sir zôngv muôx kaz hâu thax tsav xênhz txơưv, cêr muôx liv, paz pêx xênhv muôx hâux lưv uô tsik tsês, sâu ntâu nhiax zôngv./.