Iz tas hmo 27 txos sơưr nzor hnuz 28/9, ntux nas hloz hâur thax tsav huyện Phù Yên txos 100 mm, poz lol cxuz, cuôr 3 lênhx nênhs nhoz xã Mường Lang, hâur ntơư, muôx tus mê nhuôv zâuk zus shông 2018. Huyện tưz gruô hu cxuô paz nênhs thiaz pêx xênhv zênhx max zok nriar têx nênhs mas đêx yôngz, txos 9 six tas cik hnuz 30/9, tưz nriar tâu 3 lênhx nênhs puôr lênhx piav tas zok trâu tsêr nênhs pav.

Ntux nas lox, đêx hloz tưz yôngz, poz piav tas yax 20.000 m2 plơưr cêr, xav poz cxuz 23.390 m3 ar poz jêz; 125 kror qơư ar poz cxuz oz saz ntus cêr tỉnh thiaz ntâu txox cêr muk trâu cxuô xã; hiav puôk 26 txox cêr, njưs tâur đêx; đêx yôngz, nhaz yax 66 ha blêx liax tax thiaz poz cưk. Đêx nas tưz nhaz 50 luz tsêr; poz cxuz 8 luz tsêr nhoz; muôx 2 ziv nênhs tsuv yêv cias trâu qơư nhoz yiaz. Xav hur si pôngz lơưv 83,5 tỷ nhiax...

Huyện Phù Yên tưz chox car têx nênhs đros cxuô xã, thị trấn cxiv kho têx zav mas ntux nas hiav. Gruô hu tiz nênhs, yêz huk thoz, huk têx qơư ar poz cxuz, phaiz cêr, nhav nxiak cov yêz muk lok tâuk; đhos fiax kria trâu pêx xênhv pâuz têx qơư riaz nênhs cov chênhz phax; tov kaz ntu nas muk đhâu tưz xor têx qơư nziv ar poz cxuz.

Zơưs Đặng Quang Hưng, Chủ tịch UBPX huyện Phù Yên, haik tiak: Huyện tưz tso têx paz côngz xưv muk trâu têx qơư mas đêx nas hiav chia chox car cxiv kho têx zav mas ntux nas hiav; gruô hu tiz nênhs fuô lês trơưk njiaz luk “4 cias ntơưv qơư”; muk shuôk, đros kênh cêr phiv, paz têx ziv muôx nênhs mas đêx yôngz tuôs, têx zis nênhs tsuv yêv muk nhoz qơư yiaz, zis nênhs nziv ar poz cxuz, chia por hưv pêx xênhv luz nênhx truôx njês. Đros ntơư, tsênhv chox car Phòng Kinh tế - Hạ tầng, đơn vị saiz car cêr muk lok cxiv tsa têx tsưr ziv saiz car tsưx hưv cêr muk lok nhaz xênhz.

Cias tov kaz coz nas muk đhâu, Thứ trưởng Bộ Kôngz lông thiaz Huôv tsêr jêx jok Nguyễn Hoàng Hiệp đros Paz côngz xưv ntơưv tỉnh tưz muk cxênhz yuôx têx zav mas ntux nas hiav thiaz chox car côngz xưv đơưk têx zav pov yưv hâur thax tsav mas hiav. Thứ trưởng Bộ Kôngz lông thiaz Huôv tsar jêx jok tưz kruôk têx kror sir jos ntơưv tỉnh Sơn La thiaz huyện Phù Yên hâur hâux lưv cxiv kho têx zav mas ntux nas hiav trơưk đraiv njiaz luk “4 cias ntơưv qơư” ntu đhâu.

Txos nhiv no, têx qơư tox poz tưz tâu cxiv kho, nhav nxiak yêz muk lok tâuk. Huyện chox car têx đơn vị tror gruô hu tiz nênhs, muôx yêz tsik so muk cxênhz yuôx, jor trơưr, xor, đhos fiax kria pâuz chia por hưv sơưr đơưk chaix tsav yêz mul lol nhaz xênhz. Đros ntơư, cxiz cov pêx xênhz nhoz hâur thax tsav tsik muk đhâu njưs tâur đêx, tsik muk txiar tơưk, suô njêk hâur ntu tsênhv lol nas, tov kaz ntux nas muk đhâu.

Cias hâur hnuz 30/9, têx cơ quan, paz pơưs hâur huyện Phù Yên tưz gruô hu côngv nhiax paz 1 zis nênhs muôx nênhs tas siv nênhx 5 triệu nhiax. Huyện tưz gruô hu 200 cán bộ, đảng viên, công chức viên chức nhoz têx cơ quan, ban, ngành, têx tuz lênhv, công an paz PX nzor sâu tas blêx liax mas đêx nhaz, đêx cuôr, paz txo grêk tsơưs cêr ruôr hiav trâu pêx xênhv. Cxênhz yuôx têx njưs tâur đêx mas ruôr hiav, chia thor nhiax cxiv kho, uô yiaz, nhav nxiak paz tuz kôngz huôv tsar kôngz lông truôx njês.

Huyện Phù Yên taz tov tror gruô hu têx nênhs, paz têx xã, thị trấn cxiv kho têx zav mas ntux nas hiav, zênhx max paz pêx xênhv huôv tsar kôngz lông, cxiv luz nênhx truôx njês.