Hâur hâux lưv ndis shuôk, têx cảnh sát tir tar tuô hluôr tơưk cuz thiaz chơưv tiz nênhs thiaz Công an têx xã, phường tưz fuô kria cêr chai, tsưr ziv tuô hluôr tơưk cuz, chuôz zênhx thiaz yuôx tơưs cux li tsưr ziv khiar điv thâuv pov yưv hluôr tơưk cuz hâur ziv nênhs, thax tsav muôx pêx xênhv nhoz chôngz. Kria pâuz tsưr ziv tổ têx ziv nênhs tir tar, tuô hluôk tơưk cuz nhaz xênhz, tsưr ziv xair xuz tuô hluôr tơưk cuz chia sơưr đơưk cơưv shâuv, cêr sik tưr “Cur ziv nênhs muôx thôngz tuô hluôr tơưk”; chuôz zênhx tuô hluôr tơưk cuz thiaz chơưv tiz nênhs cias ntơưv qơư. 

Tsik tas li, pêx xênhv, cưk kria, shuv xênhz tsênhv tâu cơưv shâuv tuô hluôr tơưk cuz, chơưv tiz nênhs, li: Siv muôz yêz ntair khiar điv; cơưv shâuv tsuôs đêx; sir zôngv thôngz tuô hluôr tơưk đros têk tuô hluôr tơưk cuz; kria pâuz tsưr ziv chơưv tiz nênhs thiaz sir zôngv hluô chơưv tiz nênhs.

Hâur 2 hnuz, yax 18.000 pêx xênhv, cưk kria, shuv xênhz tưz tâu shâuv, siv tir tuô hluôr tơưk cuz thiaz chơưv tiz nênhs trâu cxuô kror qơư. Ntơư zos hâux lưv muôx txiax njis chia paz shuv xênhz, pêx xênhv pâuz nzir têx tsưr ziv  tir tar hluôr tơưk cuz, khiar điv thâuv pov txuz hluôr tơưk cuz, por hưv ziv nênhs thiaz pêx xênhv jêx jok txox sia.