Sơn La nhiv no muôx yax 85.000 ha ntông nox txir thiaz txir tuôz ziz, shông 2025 đê tâu têx txir nto 510.000 tấn. Tỉnh taz tov chox car têx cấp, ngành fuô lês siz luôs jok têx tsưr ziv yôngv siaz gri hax huv thiaz sir jos khov txuôk chuôs muôs têx kôngz txir trâu pêx xênhv.

Thâuv qơư lês nuv nov hâu 2 cấp tsênhz mênhx uô hâux lưv, UBPX tỉnh tưz chox car têx sở, ngành txo tsơưs uô têx ntâuz ntơưr têz qơưk cik txos uô kôngz, uô luôv, đros trâu cêr txo tsơưs yax 30% cêr cxơưz cxiv uô luôv tsik khov muôx, txo tsơưs 30% six hơưv uô ntơưr thiaz nhiax uô têx ntâuz ntơưr têz qơưk.

Hâu hli 7, Trung tâm kria nriar qơư uô nuv tỉnh tưz đros têx đơn vị kriz kria tsưr ziv uô nuv, kria mul uô nuv trâu oz chas têz qơưk thiaz têx qơư xar zuôr nênhs uô nuv, cêr chai paz trâu nênhs nhoz shông uô nuv tâu yax 2.500 lưv lênhx.

Công ty cổ phần tso đêx Sơn La nhiv no saiz car 12 xí nghiệp, chi nhánh thiaz 30 kror qơư liv đêx, xav hur si liv tâu 38.500 m³/hnuz hmo, tso trâu yax 64.000 zis sir zôngv.

Shông 2025, Cục Txox cêr ar Việt Nam zênhv tso Sở cxiv puôz Sơn La fuô lês 9 dự án cxiv kho txox cêr lox trơưk chaix thiaz tsik trơưk chaix. Hâur ntơư, muôx 1 dự án hâur txox cêr lox số 6 zos Bộ cxiv puôz saiz car; 8 dự án hâur txox cêr lox phaiz cấp trâu UBPX tỉnh Sơn La saiz car, hâur ntơư muôx têx txox cêr lox li: 4G, 12, 43, 279, 279D, 37, 6C.

Xav txos 4 six hnuz xiaz 5/8, Ủy ban MTTQ Việt Nam tỉnh Sơn La tưz nhav tâu 16 tỷ nhiax ntơưv 15.000 paz pơưs, tus khênhx hâur tỉnh thiaz oz chas tỉnh muôz paz pêx xênhv cxiv kho luz nênhx tiv ntux nas hiav.

Hnuz xiaz 4/8, Zênhx Đriv têz Mường Lèo đros têx hluôk, Hội Pox niav, Ban Chỉ huy quân sự xã, Paz nênhs tiv 6 (Đoàn Nhiax txiax – Tsưx hưv cêr nhaz xênhz têz qơưk 326) tưz siz chos paz lênhv cêr bê tông muk ziv thương binh Lường Văn Dương, jok Liềng, xã Mường Lèo tsêr.

Coz nas hloz pov yưv hâur oz saz tus đêx Lax Muôk nhiv kruôr đhâu, tưz ruôr hiav saz txos tiz nênhs thiaz pêx xênhv chuôz tav. Chia paz pêx xênhv mas ntux nas hiav hla đhâu cêr txov nhêv, hluôk nênhs Sơn La tưz uô ntêx nyuôk, tưx zênhv uô hâux lưv jông paz trâu pêx xênhv cxiv tsa luz nênhx truôx njês.

Coz nas hnuz xiaz 1/8, đêx Lax Muôk huôv lox, yôngz chuôz tav puôk tsuôx ntâu, hiav pêx xênhv nhoz têx xã nhoz puôz ntus đêx luz nênhx. Paz pêx xênhv hâur thax tsav ntux nas hiav, tỉnh Sơn La tưz gruô hu cxuô paz nênhs muk paz pêx xênhv cxiv kho têx zav mas ntux nas hiav cov pêx xênhv nzor truôx njês.

Hnuz xiaz 4/8, đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh, tưz muk cxênhz yuôx qơư cxiv puôz yar cơưv phổ thông nội trú liên cấp tiểu học, THCS ntơưv xã Chiềng Sơn thiaz Lóng Sập. 

Hnuz xiaz 3/8, Hội Chữ thập đỏ tỉnh Sơn La đros Food Bank Kâuv têz tưz muk shuôk, krưr huv puz trâu têx ziv pêx xênhv coz tiv 3 hiav ntơưv xã Huổi Một.

Hnuz xiaz 2/8, đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh, Thơưx Paz đại biểu Quốc hội tỉnh tưz muk cxênhz yuôx, njuôk xav hâux lưv đơưk cêr phiv liv ntux nas hiav ntơưv têx xã: Sông Mã, Chiềng Khoong, Mường Hung thiaz Chiềng Sơ. Đros muk, muôx têx đồng chí: Vi Đức Thọ, Ủy viên Ban Thường vụ Tỉnh ủy, Chủ tịch Ủy ban MTTQ Việt Nam tỉnh; Nguyễn Thành Công, Phó Chủ tịch UBPX tỉnh; nov chox car iz cxia sở, ngành ntơưv tỉnh.

Hnuz xiaz 2/8, đồng chí Nguyễn Thành Công, Phó Chủ tịch UBPX tỉnh đros paz côngz xưv ntơưv tỉnh tưz muk cxênhz yuôx côngz xưv đơưk cêr phiv liv tiv ntux nas hiav hâur thax tsav xã Huổi Một. Đros muk muôx đồng chí Vi Đức Thọ, Ủy viên Ban Thường vụ Tỉnh ủy, Chủ tịch Ủy ban MTTQ Việt Nam tỉnh; thơưx car iz cxia sở, ngành cik txos.

Zênhx Đriv têz Chiềng Tương nhiv kruôr đros paz Công an Pêx xênhv; Trung đoàn E30, E31 thiaz Yar cơưv Tiểu học Giáp Bát, Thành phố Hà Nội siz chos zok 6 luz tsêr thôngx siaz trâu têx ziv pêx xênhv txov nênhv ntơưv xã Lóng Phiêng, tỉnh Sơn La.

Hnuz 30/7, đồng chí Nguyễn Đình Việt, Phó Bí thư Tỉnh uỷ, Chủ tịch UBPX tỉnh, Thơưx paz đại biểu Quốc hội tỉnh tưz muk cxênhz yuôx hâux lưv đơưk cêr phiv liv tiv ntux nas hiav hâur thax tsav iz cxia xã. Đros muk muôx đồng chí Xuân Xênhv Tsaz, Uỷ viên Ban Thường vụ Tỉnh uỷ, Phó Chủ tịch Thường trực UBPX tỉnh, Đại tá Chu Văn Thành, Uỷ viên Ban Thường vụ Tỉnh uỷ, Chỉ huy Trưởng Bộ Chỉ huy Quân sự tỉnh.

Hnuz 31/7, Hội Chữ thập đỏ tỉnh Sơn La tưz muk shuôk, puz huv trâu têx zis nênhs mas ntux nas hiav ntơưv xã Chiềng Sơ.

Hnuz 31/7, UBPX tỉnh tưz gruô hu sơưr đơưk siz chos côngv paz đơưk cêr phiv liv ntux hiav hâur thax tsav tỉnh Sơn La.