Jias tưr “Tsưr ziv huôv tsar cà phê fiv huv đêx ar, huôz chuô txơưr txar”, muôx 41 paz tưr nhoz ntơưv têx tỉnh, thành: Sơn La, Quảng Trị, Đắk Lắk, Lâm Đồng, Hà Nội thiaz TP Hồ Chí Minh. Đhâu têx jias xair, 8 paz tưr tưz tâu xair muk tưr suôx câuv, kria pâuz têx tsưr ziv huôv tsar, hlôngr pâur số thiaz siz khov chos cà phê cov muôs tâu gri.

Têx tsưr ziv tâu giải tưz muôx ntâu zav hlôngr yiaz hâur ntu huôv tsar cà phê: Txix li huôv tsar qơư chos, saiz car ar thiaz đêx, txix li sir zôngv tsưr ziv yiaz txos trâu têx qơư siz khov chos muôx liv thiaz tsưr ziv fuô kria hax huv trâu têx nênhs sir zôngv. Têx tsưr ziv ntơư pov tâu cêr siz khov truôx khor txix li cưk khoa học, tsêr luôv, nênhs saiz car thiaz tuz kôngz chia siz chos zok tâu têx tsưr ziv chia cov hla đhâu têx cêr phiv hâur ntu nênhx huôz chuô muôx ntâu zav txơưr txar. Iz chas giải thưởng muôx txiax njis ntơư, têx paz tưr tsênhv tâu côngv jias đros têx chuyên gia siz thav chia huôv tsar cà phê cov tâu jông hâur ntu zuôr txos.

Suôx câuv, Ban Tổ chức tưz muôz giải iz trâu paz Madam Hương coffee - An Việt, nhoz trâu Quảng Trị; giải oz trâu paz tưr Arabica Sonla xanh, tỉnh Sơn La; muôz 3 giải cxơưz jos trâu têx paz tưr tâu jông.

Jias tưr “Tsưr ziv huôv tsar cà phê fiv huv đêx ar, huôz chuô txơưr txar" zos hâux lưv zov chênhr hâur shông 2025 ntơưv Cụm hlôngr yiaz tsưr ziv huôv tsar cà phê - hâux lưv siz khov ntơưv Yar cơưv Đại học Tây Nguyên thiaz Cơ quan khoa học Quốc gia Australia (CSIRO) hâur Luôs hâux lưv Aus4Innovation zos Chính phủ Australia muôz paz, chia paz lês tâu jông têx tsưr ziv yiaz, huôv tsar cà phê ntơưv Việt Nam fiv huv ntu nênhx huôz chuô muôx ntâu zav txơưr txar.