Nhiv no, huyện Mai Sơn muôx 120.000 lênhx nhoz shông uô nuv, txênhz 69% toz hâu nênhs, phênhv ntâu zos nênhs jêx jok tsik tâu cơưv uô hâux lưv. Huyện tưz chox car cxuô xã, thị trấn muk sox njôngr tiz nênhs siaz nhiav cơưv uô hâux lưv, cxiv tsa tsưr ziv choz kria uô hâux lưv fiv huv tiz nênhs siaz xar; muôz tsưr ziv paz pêx xênhv muôx hâux lưv uô yênhx cxênhx cxênhv hâur huôv tsar nhiax txiax, xã hội thax tsav.

Zơưs Ngô Minh Tuấn, Phó Chủ tịch UBPX huyện Mai Sơn, haik kria: Huyện tưz chox car phòng muôx vax huôv, đros têx xã, thị trấn siz chos fuô kria xor mông uô đas nuv, paz tiz nênhs jêx jok muôx hâux lưv uô. Đros ntơư, tsênhv sir zôngv muôx kaz hâu têz qơưk têx nhiax, kriz têx jias kria trâu nênhs nhoz jêx jok cơưv uô hâux lưv.

Txix shông 2023 txos nhiv no, huyện Mai Sơn chox car Trung tâm uô luôv kôngz lông đros têx tsêr luôv, hợp tác xã, UBPX cxuô xã, thị trấn kriz 337 jâus kria pâuz têx tsưr ziv uô nox yiaz trâu yax 13.507 lênhx cơưv shâuv, lok sâuv tsưr ziv zus kaiz, buô; chos jâuz, ntông nox txir, vâuv qir hữu cơ; tir tar no trâu tsiax cxu; tsưr ziv tir tar caz hmoz hiav trâu cà phê, ntông nox txir; tsưr ziv tsuôs yuôx por hưv kôngz lông trơưk txox chai “4 zos" nhaz xênhz, muôx kaz hâu...

Iz chas ntơư, fuô lês hâux lưv paz tiz nênhs tâu txaik nhiax zok tâu hâux lưv uô, Phòng muôz nhiax txaik Tsêr nhiax Chính sách xã hội huyện tưz muôz 24 tỷ nhiax trâu yax 550 tus nênhs txaik huôv tsar nhiax txiax.

Tix lâus Tòng Thanh Thuận, jok Mé, xã Mường Bon, thav pâuz: Shông 2023, cur tưz txaik 100 triệu nhiax txix nhiax paz zok tâu hâux lưv uô kriz đar tsưr ziv uô luôv jâuz mor, huôv tsar nuôv zax ndis shuôk. Nhiv no, cur ziv nênhs tưz tok tâu zuôr luôs 1.000 tus kruô/hli tuôx shuôk thiaz nox hâuk, cxaz nzir nhiax zôngv truôx njês.

Chia paz tiz nênhs muôx hâux lưv uô, huyện Mai Sơn uô jông kria trâu têx xã, thị trấn đros Trung tâm Paz zok tâu hâux lưv uô tỉnh, têx đơn vị xair tiz nênhs uô hâux lưv siz chos kriz tâu 16 jias fuô kria cêr chai paz muôx hâux lưv uô, muk uô nuv trâu oz chas têz qơưk trâu yax 700 tus nênhs mnôngs; luôv tơưv 700 fâu ntơưr paz trâu côngz xưv fuô kria cêr chai lok sâuv paz tiz nênhs muk uô hâux lưv trâu oz chas têz qơưk.

Hâur luz 5 hli nhiv kruôr đhâu, huyện Mai Sơn tưz kriz Hnuz grâuv pax zok hâux lưv uô, kria pâuz xair cơưv uô hâux lưv jâus tiv 1, muôx 26 tsêr luôv, nênhs xair tiz nênhs uô hâux lưv, yax 3.000 tus nênhs, hluôk nênhs, shuv xênhz têx yar cơưv THPT, THCS hâur thax tsav huyện tuôx txuv.

Ntơưv hnuz grâuv pax, tiz nênhs uô nuv huyện Mai Sơn tưz tâu têx đơn vị, tsêr luôv kria pâuz uô ntâuz ntơưr, cêr chai muk uô hâux lưv trâu têx têz qơưk Nhật Bản, Hàn Quốc trâu têx nênhs xar muk uô hâux lưv. Iz cxia yar cơưv cao đẳng, trung cấp kria uô hâux lưv paz shuv xênhz, tiz nênhs uô nuv xair cơưv tâu têx hâux lưv fiv huv zuk tsưr ziv, siaz xar, zok tâu hâux lưv uô tov kaz cơưv tas lok.

Niak lâuk Lò Thị Hoài, xã Cò Nòi, kria pâuz: Tov kaz zok nriar, tâu têx tsêr luôv, đơn vị xair nênhs uô nuv kria pâuz lok sâuv cêr xar xair tiz nênhs uô hâux lưv, nhiax hli, cêr chai paz trâu tiz nênhs uô hâux lưv, cur xar thor uô hâux lưv trâu công ty xơưk trik yo ntơưv Hải Phòng.

Nhiv no, hur si huyện Mai Sơn muôx yax 6.000 tus nênhs muk uô hâux lưv trâu têx thax tsav công nghiệp nhoz oz chas tỉnh, xav fênhx đraz sâu tâu txix 7-15 triệu nhiax/lênhx/hli thiaz zuôr luôs 3.000 tus nênhs uô hâux lưv hâur têx tsêr mair, têz chos ntông nox txir hâur thax tsav huyện, xav fênhx đraz sâu tâu txix 5 -10 triệu nhiax/lênhx/shông; 234 lênhx muk uô hâux lưv trâu oz chas têz qơưk, xav fênhx đraz sâu tâu txix 15 - 30 triệu nhiax/hli.

Chia paz muôx ntâu tiz nênhs jêx jok muôx hâux lưv uô, huyện Mai Sơn tror chox car têx thax tsav cxênhz đuô tiz nênhs siaz xar cơưv uô hâux lưv; fuô lês muôx kaz hâu têx tsưr ziv paz tiz nênhs muôx hâux lưv uô, zos qơư xa tiz nênhs cêr xar trâu tsêr luôv. Tsik tsês kriz đar, đros têz qơưk đrâuv, oz chas tỉnh paz têx tsêr luôv xair tiz nênhs uô nuv; uô trơưk cêr chai muôz nhiax txaik nriar hâux lưv uô, cxơưz huôv tsar nhiax txiax-xã hội./.