Saz kâuv jok Co Sủ Dưới tu iz caz plêz ntêr 200 thiar, đar 30 phênhz. Ntơưv jok Tảo Ván Mới, muôx ntâu kror tox poz, sâuk toz 40 - 60 phênhz lok six nziv poz, uô trâu têx ziv pêx xênhv taz tov nhoz iz ndis jê tsik nhaz xênhz. 

Pov têx zav tsik nhaz xênhz haik sâuv, huyện Mường La tưz cxiz iz paz côngz xưv muk txos ntuô jok Co Sủ Dưới, gruô hu têx ziv pêx xênhv nhoz têx qơư tox nziv zuôr poz, yêv muk trâu qơư nhaz xênhz.

Huyện Mường La tưz gruô hu 120 tus hluôk, cán bộ, chiến sĩ cxuô đơn vị, cxuô paz nênhs mul paz 17 ziv pêx xênhv jok Co Sủ Dưới yêv chuôz tav tơưv khiar tox poz; chox car cxuô paz nênhs tuôv 10 luz tsêr vor ntâuz trâu têx ziv pêx xênhv yêv muk nhoz.

Hok jok Tảo Ván Mới, huyện Mường La tror cxênhz yuôx thiaz nriar qơư yêv têx ziv pêx xênhv hâur thax qơư tox poz yêv muk nhoz cov nhaz xênhz.