Zâu dự án 3 “Paz nuv uô truôx njês”, chia chuôs nênhs uô nuv, lar haik mak ziv pluôs thiaz jê cêr pluôs, đros cêr khov uô nuv hâur têz qơư thiaz ntiax têz đhâu choz kria cơưv uô nuv, kria nuv uô thiaz paz muk uô  nuv luôz têz qơư, đhâu ntơư tâu nhiax truôx njês thiaz cxuz cêr pluôs truôx njês. Yênhx shông, Sở Nội vụ đros têx sở, ngành saz lax UBPX tỉnh phaiz nhiax trâu têx thax tsav kriz lês têx nuv nriar nuv uô, cxênhz yuôx thiaz saiz car uô nuv đros qơư tsưx ntơưr têz qơư lok sâuv pêx xênhv qơư nhoz; kriz têx yar, jâus xav uô nuv, xuz paz nuv trâu nênhs zos ziv pluôs, jê cêr pluôs thiaz ziv nhuôv kruô tơưv đhâu cêr pluôs. Chox car Trung tâm Kria nuv uô tỉnh njuôk saiz, xav fuô cêr khov zuôr nênhs, kria mông trâu tsêr luôv thiaz nênhs uô nuv.

Zơưs Vũ Quang Khải, Giám đốc Trung tâm Kria nuv uô tỉnh, thav pâuz: Yênhx shông, đơn vị đros cxuô thax tsav thiaz têx tsêr luôv nto côngz kriz cơưv kria uô nuv, kria nuv uô ntơưv têx xã, yax hlo mak thax tsav lok sik txov nhêv, tox siaz, đriv têz; đros ntơư fuô kria Đảng, Têz qơư têx cêr chai lok sâuv uô nuv, nuv uô thiaz cêr khov zuôr nênhs hâur zuk,luôs tỉnh. Iz chas ntơư, đơn vị chuôs têx trung tâm kria nuv uô thiaz qơư choz cơưv nuv chia saiz cêr khov zuôr nênhs uô nuv; lês trơưr website nriar nuv uô, iz truôv huôv tsar yar nriar nuv uô điện tử, paz nênhs uô nuv nhoz đêx uô nuv.

Ntu 2021-2025, lês Cxiax cxênhv cxuz cêr pluôs truôx njês, Sở Nội vụ chox car Trung tâm nriar nuv uô kriz hnuz gruôv pax kria cơưv uô nuv ntơưv thành phố Sơn La (kuz), đros 40 đơn vị, tsêr luôv thiaz yax 1.500 lưv nênhs lês; kriz 80 jâus cơưv, lưv nriar thiaz jâus kria, haik txos nuv uô  trâu 3.404 lưv nênhs uô nuv; đros lês 6 jax sâu xa đuôz, 4 jax sâu tso suôz thiaz txaik luk fuô zos  luk Poz Ziz, Hmôngz lok sâuv mông khov uô nuv. Phaiz 8.760 đaiv ntơưr fuô kria qơư khov nênhx uô nuv; in baner, áp phích đai ntơưv jâus cơưv.

Viv fuô ntâu faz tsưr ziv nuv uô truôx njês, Cxiax cxênhv têz qơư xav cxuz cxêr pluôs truôx njês, ntu 2021- 2025, Trung tâm nriar nuv uô tỉnh tưz txuôk chuôs nuv uô yênhx côngz trâu 132 tus tuz nuv muk uô ntơưv têx công ty, tsêr luôv hâur têz qơư, 38 tus muk uô nuv luôs têz qơư, tâu jê 100%  cêr xav zâu dự án tso tơưv.

Đrav ntêx, tix lâus Quàng Văn Hặc, ziv nênhs nhoz jok Lứa, xã Mường La, njiz ntâu cêr txov nhêv li ntơư txơưv tok nrư muk uô nuv luôs têz qơư, cux muk tsik tâuk viv nhiax txiax ntâu. Tâu Trung tâm nriar nuv uô tỉnh kria, luz 8/2023, nưk ziv nênhs txaik 64 triệu nhiax ntơưv Tsêr nhiax CSXH Mường La đros nhiav tsav liv tsơưs chia tix lâus muk Đài Loan uô nuv. Muôv Lò Thị Tuyết, tix lâus Hặc tus pox niav, thav pâuz: Muôx pênhr txaik, cur tus txir tưz muk uô nuv luôs têz qơư thiaz iz hli gruôv yax 20 triệu nhiax lok, paz vax tsê thêv nux gri txaik tsêr nhiax, paz nox hâuk thiaz paz trâu têx mê nhuôv jông đuô.

Lês muôx txiax njis têx chai nhiax paz uô nuv thiaz muk uô nuv luôs oz chas têz, Trung tâm nriar nuv uô tỉnh tror saz lax, taix khov tsưr ziv chia côngz xưv paz nriar nuv uô thiaz muk uô nuv luôs têz qơư chok nxiak txâuk nênhs thiaz txơưx uô, sâu nju nhiax trâu nênhs uô nuv, lês jông côngz xưv uô nênhx yar ntux trâu sơưr đơưk cxuz cêr yaiz, txo cêr pluôs hâur thax tsav.