Đros cêr xav tsar nênhs uô nuv tỉnh Sơn La muk uô trâu luôs têz qơư, shông 2025, tỉnh pêz sir jos cov muôx 200 tus nênhs ntơưv tỉnh muk uô nuv luôs têz qơư trơưk chos luk. Lês jông chai paz nhiax txiax xuz thơưx choz kria uô nuv, luk oz chas têz, kria nzir txux chi khov muôx; nhiax uô ntâuz ntơưr hộ chiếu, thị thực, njuôk đas jos, lý lịch tư pháp uô ntêx zuôr muk uô nuv trâu luôs têz qơư; txaik pênhr ntơưv nhiax Quỹ Têz qơư lok sâuv nuv uô lok sik txix Tsêr nhiax Chính sách xã hội trơưk chai xav... 

Têx sở, ngành, UBPX cấp huyện ndo njôngr đros têx công ty, tsêr luôv fuô kria, zaz zâuv, kria, xav nuv, choz kria faz nuv, tso nênhs tỉnh Sơn La muk uô nuv luôs têz qơư. Nhiv no, Sở Nội vụ tưz cxênhz yuôx hồ sơ pháp lý, kria UBPX têx huyện, thị xã, thành phố paz, côngv đros 17 công ty, tsêr luôv uô nuv tso nênhs Việt Nam muk uô nuv trâu luôs têz qơư, kria, zuôr nênhs, tso 173 tus nênhs ntơưv tỉnh Sơn La muk uô nuv trâu têx têz qơư: Đài Loan, Nhật Bản, Hàn Quốc...

Pos Sênh Xênhv Muôk, Phó Chủ tịch UBPX huyện Mường La, thav kria: Huyện trâu siaz đros têx công ty, tsêr luôv nto mông uô nuv hâur faz tso nênhs uô nuv luôs têz qơư sir jos fuô kria, zaz zâuv nênhs pêx xênhv pâuz tsênhz, cxix cxuô lok sâuv muôx liv thiaz cêr chai nhiax txiax paz ntơưv cxiax cxênhv muk uô nuv luôs têz qơư. Txix hâu shông txos nhiv no, huyện muôx 16 tus nênhs muk uô nuv luôs têz qơư, taz tov muôx 27 tus nênhs tâu cơưv luk Nhật chia ntu zuôr txos no muk uô hâux lưv trâu têz qơư Nhật Bản.

Thax tsav tỉnh Sơn La taz tov muôx têx đơn vị: Công ty cổ phần Huôv tsar Ntiax têz Việt Thắng; Công ty cổ phần Muk uô nuv luôs têz qơư lax luôv thiaz nuôv zax (TTLC); Công ty cổ phần Siz khov cxiv tsa choz kria ntiax têz Tín Phát; Công ty cổ phần Tiz nênhs thiaz Cxiv puôz Việt Nam... đros têx têx tỉnh, thành fuô, kria, kriz paz nênhs cơưv uô nuv, luk luôs têz qơưk trâu nênhs uô nuv luôs têz qơư ntơưv ntâu faz hâux lưv uô.

Zơưs Hoàng Thạch Hào Quang, Phó Tổng Giám đốc Công ty cổ phần Muk uô nuv luôs têz qơư lax luôv thiaz nuôv zax (TTLC), thav kria: Txix luz 4 hli txos nhiv no, công ty kriz têx jâus cơưv kria, xav faz uô nuv trâu tiz nênhs muk uô nuv trâu luôs têz qơư ntơưv têx huyện: Thuận Châu, Sông Mã, Mường La, Sốp Cộp, Quỳnh Nhai, muôx yax 700 tus nênhs cơưv. Txos nhiv no, muôx 55 tus nênhs chos luk uô nuv luôs têz qơư têx faz li: Xơưk tsôngk hnar, đhok têx zav trâu têx mair. Công ty taz tov kriz 2 paz kria luk Nhật txix luz 4 – 6 hli ntơưv huyện Sông Mã, Mường La. Tsov xav, kriz nzir 1 paz ntơưv huyện Quỳnh Nhai. Tov kaz cơưv luk, têx nênhs uô nuv tâu cơưv zuôr muk uô trâu têz qơư Nhật Bản.

Tov kaz tâu Công ty TTLC kria, paz, muôv Lò Thị Cương, jok Khua Vai, xã Ngọc Chiến, tưz chos luk muk uô nuv luôs têz qơư ntơưv Nhật Bản. Muôv Cương thav pâuz: Tov kaz Công ty TTLC tuôx txos xã  kria uô nuv,đros trâu kror paz max ntơưv thax tsav, têx cơ quan cik txos, cur tưz uô tiar hồ sơ, bax muk uô nuv ntơưv Nhật Bản.

Ntơưv jâus uô hâux lưv đros iz cxia sở, ngành thiaz đơn vị cik txos nuv uô tso nênhs tỉnh Sơn La muk uô nuv luôs têz qơư trơưk chos luk shông 2025, đồng chí Đặng Ngọc Hậu, Phó Chủ tịch UBPX tỉnh tưz chox car têx cấp, têx ngành, hội, đoàn thể, thax tsav tsik tsês đros côngv lês, fuô kria, zaz zâuv pêx xênhv muk uô nuv trâu luôs têz qơư trơưk chos luk; moz siaz nhiax txiax tín dụng txos trâu nênhs uô nuv trâu luôs têz qơư trơưk chos luk chok nxiak zos chai xav; paz nênhs uô nuv lok sâuv hồ sơ, cêr lês, ntâuz ntơưr txaik pênhr nhiax, zênhx max muôz nhiax pênhr trâu nênhs uô nuv txaik muk uô nuv trâu luôs têz qơư trơưk chos luk...

Txix li muôx cxuô cấp, cxuô ngành, thax tsav paz max, cêr xav tso nênhs uô nuv muk uô trâu luôs têz qơư  tsik tsês uô tâu têx hâux lưv jông, paz nriar tâu nuv uô , sâu nju nhiax txiax trâu pêx xênhv ntơưv cxuô thax tsav.