Thuận Châu muôx 28 xã, thị trấn, têx shông đhâu, côngz xưv uô nuv, hâux lưv uô tsik so tâu kror moz siaz ntơưv thơưx car, chox lês ntơưv cấp ủy, nov hâu thax tsav . Ntâu cxiax cxênhv, đề án, cêr xav, tuôr xav huôv vav nhiax txiax - xã hội ntơưv huyện tâu fuô,  lês muôx txiax njis, hu tâu tsêr luôv tuôx cxiv tsa trâu zuk thax tsav. Nhiv no, hur si huyện muôx 95.190 tus nênhs niax shông taz tov fiv uô nuv, hâur ntơư, 66  tus muk uô nuv trâu luôs oz chas têz trơưk chos luk; 14.870 tus nênhs uô nuv luôs tỉnh; 76.802 tus nênhs uô nuv hâur zuk tỉnh. Đhâu cxênhz yuôx,  shông 2025, cêr khov uô nuv muk trâu luôs oz chas têz thax tsav huyện nto 35 tus.

Ntơưv jâus uô hâux lưv, nênhs hlôngr Công ty cổ phần Zuôr nênhs uô nuv Uô luôv thiaz Nuôv zax fuô kria sai lok sâuv cêr tsa yênhx, hâux lưv uô ntơưv Công ty; fuô kria cêr khov zuôr nênhs uô nuv trâu luôz têx têz qơư Nhật Bản, Hàn Quốc, Qatar, đros cxuô zav đas nuv uô: Công nhân tsêr máy,  cxiv puôz, sênhr moz muôz yuôx kho, hav hlâu,  xơưk tsôngk hnar, uô kôngz lông, uô têx zav điện tử,  yiar hov txiar hlâu, zus tsiax đêx, uô uz no; cêr chai nhiax txiax choz kria luk thiaz choz kria uô nuv ntơưv zuk thax tsav; paz ntâuz txaik nhiax muk luôs oz chas têz...

Cias tov kaz jâus uô hâux lưv đros UBPX huyện, Công ty zuôr kriz cơưv pov njôngr hâur ti vi têx hâux lưv chox nênhs muk uô nuv trơưk hnuz nhôngs trâu luôs oz chas têz ntơưv têx xã, thị trấn zuk thax tsav.