Pos Đoàn Thanh Phúc, Phó Giám đốc Trung tâm Saiz car cxuô zav moz tỉnh Sơn La, Phó Ban saiz car dự án ntơưv tỉnh Sơn La, haik: Dự án tâu piz lês txix luz 7/2023 txos luz 3/2026 ntơưv 6 xã: Làng Chếu, Xím Vàng, Chim Vàn, huyện Bắc Yên; xã Mường Và, Sam Kha, Púng Bánh, huyện Sốp Cộp. Ntơư, zos têx xã phênhv cchôngz zos cưr tix nênhx tsa Hmôngz, Puôz Ziz, Puôz Thơưx nhoz, luz nênhx tsênhv lok six txov nhêv; tỉ tsôngv mê nhuôv zâuk txix 5 shông chôngz. Trơưk tuôr xav, dự án paz cov tsôngv pêx xênhv hair nênhs tsơưs pâuz uô kôngz lông; saiz vax huôv pox niav txir nênhx siz luôs, têx niav thiaz mê nhuôv zâuk muôx txâuk nox txâuk hnar, tâu tsưx hưv đas jos thiaz tâu sir zôngv cxix cxuô.

Dự án muôx 2 phênhv: Kôngz lông thiaz kar nox. Hâur cêr uô kôngz lông tưz kriz tâu 67 lớp kria nzir tsưr ziv chos jâuz, zus tsiax cxu, tsưr ziv uô lax luôv, uô kôngz lông cov muôx txâuk nox txâuk hâuk... muôx yax 1.200 lênhx côngv lês; tưz kria 343 lưv ziv nênhs uô nox uô hâuk; 1.716 lưv saiz car, chox 25 lưv muk shuôk, cơưv tsưr ziv ntơưv têx qơư uô tâu nhiax txiax thiaz saz lax 1 jâus ntơưv huyện Sốp Cộp.

Lês Dự án, niav lâuk Mai Xênhv Shôngx, nhoz jok Xím Vàng, xã Xím Vàng, huyện Bắc Yên tâu dự án paz nôngz kaiz, nôngz ok kruôr, krâur thiaz yuôx phax tar moz trâu kaiz ok. Niav lâuk Mai shir phaz haik: Tâu paz nôngz kaiz, ok; cán bộ khuyến nông kria uô chôngx. Nhiv no, cur tsêr nênhs tưz huôv tsar nzir nôngz kaiz, ok yax 100 tus. Muôx graix trâu mê nhuôv nox hâur cxuô hnuz, lox hloz siz luôs.

Lok sâuv kar hno, Dự án tưz kriz 11 lớp kria nzir tsưr ziv puz mê nhuôv trâu 300 lưv lênhx cưk yuôx jok, pox niav ntơưv 60 luz jok tâu dự án paz; phaiz têx ntơưr kria chai thiaz têx chuôz zênhx zov chênhr, kria têx zav puz trâu mê nhuôv mok nox ntơưv têx jêx jok; 246 lưv pox niav xênhz mê nhuôv tuôx njuôk saiz mê nhuôv đruôz thiaz trâu têx trạm y tế xã; njuôk, lux yax 10.800 lưv tus mê nhuôv txix 2 shông tror hâur; muôx 35 trung tâm kria tu mê nhuôv choz poz ntơưv 47 luz jok, zuôr luôs 3.400 lưv tus mê nhuôv...

Bác sĩ Hoàng Văn Hiền, Trưởng trạm Y tế xã Xím Vàng, huyện Bắc Yên, haik: Lês dự án, pêz đros têx hâu jok, cưk yuôx thiaz pox niav nhoz têx jêx jok siz chos kria chai, gruô hu têx pox niav xênhz mê nhuôv cov muk njuôk saiz mê nhuôv tsik so; kria pêx xênhv đo hmôngr puz mê nhuôv mok; sir zôngv têx zav muôx muôs chia puz mê nhuôv mok hâur cxuô hnuz.

Đhâu 2 shông lês dự án tưz paz pêx xênhv luz nênhx muôx ntâu hlôngr yiaz; pâuz tu đas jos jông đuô. Ntu no muk, Ban saiz car Dự án zuôr tror uô nzir têx hã xhv muôs muk oz chá stêz qơưk, gruô hu nênhs siaz đơưz paz nôngz, chuôz zênhx, qir thiaz tsưr ziv... tsi njênhk paz têx niav muôx mê nhuôv txix 2 shông tror hâur cov tâu tu đas jos jông, cxơưz pêx xênhz hair nênhs tsơưs luz nênhx.