Huổi Một zos xã mas ntux nas ruôr hiav saz hnuz 26/7, muôx 225 luz tsêr nhoz 24 luz jok piav tas. Thax tsav luz trôngz nhoz têx jok Nậm Pù, Cang Cói, Chả Huổi muôx caz tơưs plêz, nziv poz cxuz, tuôr thênhv txos 26 ziv nênhs. Hiav 121 ha blêx liax, 187 ha kôngz lông thiaz 31 ha ntông nox txir. Ntâu txox cêr ar poz cxuz, 5 tus qox mas đêx cuôr thiaz puôk tsuôx, iz cxia yar cơưv ar poz sưz. Xav pôngz lơưv 180 tỷ nhiax.

Jias no, Trung ương Đoàn, Trung ương Hội LHTN Việt Nam thiaz Tỉnh đoàn Sơn La tưz muk shuôk, ntuôk thiaz krưr 92 hnaz huv trâu têx ziv nênhs nhoz jok Púng Khương mas ntux nas hiav hâur ntơư muôx 1 chov cxur, pav vor thiaz kar nox txơưr. Đros ntơư tsênhv uô jông nus, ntuôk 5 ziv nênhs tsêr nhoz mas ar poz cxuz, tsuv yêv cias muk nhoz đuô kror qơư. Xav hur si tsiv nhos yax 250 triệu nhiax.

Đồng chí Nguyễn Tường Lâm, Bí thư Trung ương Đoàn tưz ntuôk, đros pêx xênhv xã Huổi Một kênh cêr txov nhêv tiv ntux nas hiav; xar cov pêx xênhv sir jos hla đhâu cêr txov nhêv, cxiv tsa luz nênhx truôx njês. Đros ntơư, cxiz cov Tỉnh đoàn, Hội LHTN tỉnh Sơn La đros UBPX xã cxênhz yuôx cêr ruôr hiav têx yar cơưv, ziv nênhs, qox đai, cêr muk lok chia cxiv tsa tsưr ziv, gruô hu ntâu zav pênhr ntơưv têx tỉnh, paz pơưs, tus khênhx siaz jông côngv nhiax paz trâu pêx xênhv mas ntux nas hloz ruôr hiav saz.