Tiv coz chuôz hloz số 2 ruôr hiav, ntơưv Đội Mường La muôx 501 tsoz ntông zak zưr vâu tas, chiax tsik tâuk; 38,5 caik cêr muk lok hâur yênhx thax ar, ntâu thax ar mas poz cxuz, ntâu ntu cêr bê tông tưz piav tas thiaz 200 thiar tus qox, luz kror đêx ntưk mas đêx cuôr; 2 luz tsêr công nhân tsuv yaik  cias trâu qơư nhoz yiaz tiv ar poz cxuz, 5 luz tsêr fênhz suôz hâur thax ar vâu tas hur si; 100 ziv công nhân mas ruôr hiav yax 8,3 ha blêx liax, kôngz lông, pak njêk đros trâu chuôz tav txơưr. Coz nas hloz cux uô trâu công nhân tso tsik tâu cuô mik trơưk tsưr ziv, grêk lơưv 152,85 tấn cuô mik kruôr. Xav hur si pôngz lơưv zuôr luôs 12,8 tỷ nhiax.

Jias no, Công đoàn Zak zưr Việt Nam tưz krưr 100 triệu nhiax trâu Công ty Cổ phần Zak zưr Sơn La chia zênhx max paz, ntuôk tiz nênhs uô nuv mas coz nas hloz ruôr hiav.

Nhiv no, Công ty Cổ phần Zak zưr Sơn La taz tov zênhx max cxênhz yuôx, sâu tsês coz nas hloz têx kror ruôr hiav; gruô hu tiz nênhs, chuôz zênhx zênhx max đơưk tâu sai têx qơư mas ar poz cxuz, têx ntông zak zưr mas vâu tas, cxiv kho cêr muk lok cêr chor nhov, đros ntơư paz tiz nênhs đơưk tâu sai cêr phiv liv tiv ntux nas hiav, nzor cxiv tsa luz nênhx thiaz huôv tsar kôngz lông truôx njês.