Jias no muôx nênhs hlôngr njêx muôs Trung tâm Khuyến nông têz qơưk; thơưx car Tập đoàn Vingroup, Pênhr siaz đơưz; Trung tâm cxênhz yuôx kôngz lông tov kaz côngv muôz lok uô cê I, Cục Por hưv kôngz lông; Central Retail Việt Nam - GO!BigC; têx đơn vị tâu Sở Kôngz lông thiaz Huôv tsar Jêx jok tỉnh Sơn La saiz car; nênhs hlôngr njêx muôs phòng Kôngz lông thiaz Huôv tsar jêx jok têx huyện Thuận Châu, Mai Sơn thiaz Thành phố; nênhs hlôngr njêx muôs hợp tác xã têx tỉnh Sơn La, Hòa Bình, Bắc Kạn, Lào Cai.

Ntơưv jias Saz lax, Trung tâm RETAQ tưz kria pâuz Dự án AgriDataGo cxiv puôz chuôz zênhx trơưk faz muôx gri, paz saiz car jông Việt Nam têx kôngz, txir nox, tsiax đêx muôs trâu oz chas têz. Dự án zos Pênhr nhiax siaz đơưz côngv nhiax paz, Trung tâm RETAQ tsov xav thiaz huôv tsar chuôz zênhx tsik thêv nhiax. Dự án fuô lês siz luôs jok thiaz sâu tsês cxix cxuô ntâuz ntơưr, cxiv tsa têx tsưr ziv huôv tsar kôngz, txir nox muôx gri; đros ntơư, tsênhv paz têx nênhs huôv tsar, tsưx jông, uô luôv kôngz lông, shôngz ntông, tsiax đêx côngz fênhx thiaz muôx cxuô cxênhx cxênhv thiaz têx cêr chai zov chênhr, paz tâu cêr lax luôv hâur têz qơưk thiaz oz chas têz, cxơưz, hlôngr yiaz tsưr ziv sik tưr uô cêr lax luôv muôx kaz hâu.

Chuôz zênhx AgriDatago muôx 2 ntu. Ntu 1 (5/2023 - 5-2024), tưz cxiv tsa tâu têx hâux lưv, li: Qơư sâu tsês ntâuz ntơưr, website thiaz têx kror sâuv xor tôngx txơưx njê, zok nriar ntâuz ntơưr, cxênhz yuôx, têz ndâux luk nus, cxiv kho têx ntâuz ntơưr, kriz jias kria hlôngr yiaz tsưr ziv fuô kria xor mông. Ntu 2 (6/2024-12/2025), kriz đar thiaz uô luôv chuôz zênhx.

Cxuô đại biểu tưz saz lax têx kror taix nus, txâuk chai muôs hax huv trâu siêu thị hâur têz qơưk. Têx hợp tác xã kria pâuz hâux lưv huôv tsar, tsưx jông kôngz, txir nox muôs trâu oz chas têz thiaz têx siêu thị hâur têz qơưk; muôx ndâux luk, cxênhz yuôx chuôz zênhx AgriDatago kror fiv huv, muôx liv, cêr xar sir zôngv chuôz zênhx sâu tsês ntâuz ntơưr.

Jias saz lax tưz paz Trung tâm RETAQ tsov xav, huôv tsar chuôz zênhx AgriDataGo, sâu tsês ndâux luk khov, cxênhz yuôx hâux lưv huôv tsar, uô luôv kôngz, txir nox. Hâur ntơư, moz siaz paz tâu zênhx max hâux lưv thêv têx nhiax sê, xav hur si têx ntâuz ntơưr, txâuk chai, cxênhx cxênhv huôv tsar, tsưx jông kôngz lông trâu têx nênhs taz tov huôv tsar uô luôv kôngz, txir nox muôs trâu oz chas têz thiaz muôz lok muôs trâu têx siêu thị hâur têz qơưk. Hâux lưv huôv tsar, sir zôngv chuôz zênhx jông hâur huôv tsar kôngz lông, tsov xav, xav tơưv têx chuôz zênhx jông li AgriDataGo, paz trâu tuz kôngz tâu cơưv shâuv, sir zôngv chuôz zênhx jông trâu hâux lưv huôv tsar, uô luôv kôngz, txir nox muôx kaz hâu./.