Hội Chữ  thập đỏ tỉnh Bình Dương tưz paz 230 poz huv, xav iz poz 1 triệu nhiax trâu 230 ziv pêx xênhv nhoz xã Chiềng Chung thiaz Mường Chanh, huyện Mai Sơn; 170 poz huv (iz poz 1 triệu nhiax) trâu 170 ziv pêx xênhv xã Bản Lầm, huyện Thuận Châu. Iz chas ntơư, cux muôz 100 poz huv, zos 100 triệu nhiax trâu Hội Chữ thập đỏ tỉnh Sơn La chox muk paz têx ziv pêx xênhv mas ntux nas hiav txos nênhs, vax tsê, kôngz lông thax tsav tỉnh. Xav hur si nto 500 triệu nhiax, zos Hội Chữ thập đỏ tỉnh Bình Dương gruô hu Ban siaz đơưz Giáo hội Phật giáo Việt Nam tỉnh Bình Dương siz chos côngv tâu.

Iz chas ntơư, Paz nênhs siaz đơưz tsênhv zok huv puz trâu 2 ziv pêx xênhv ntơưv jok Lằm, xã Bản Lầm, huyện Thuận Châu, vax tsê mas đêx cuôr tas, nhiv no tsênhv taz tov nhoz trâu tsêr txux chi jok thiaz đros cưr tix, nênhx tsa nhoz, iz ziv tâu paz 6 triệu nhiax, chia đơưk têx cêr phiv liv, tror uô nênhx truôx njês.