Txix thâuv kaz shông 2022, yax 120 ziv pêx xênhv nhoz jok Hát Sét, xã Nà Ớt tsik muôx đêx zôngv, lar haik yax mak luz chaix ntux kruôr nhiv kruôr đhâu. Ntơư mal zos muôz nhiax uô tiar têx qơư tok đêx lok trâu pêx xênhv hâur jok sir zôngv, tưz muôz yax 104 triệu nhiax txix pênhr nhiax têz qơưk chia lês têx luôs hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz.

Zơưs Vì Văn Hom, hâu jok Hát Sét, haik: Thâuv ntêx, têx car đêx puôk tas lơưv, pêx xênhv ho chôngz tuôx đuô, li ntơư đêx tsik txâuk zôngv, luz chaix kruôr tsik muôx đêx, zuôr tsuv zôngv thôngz muk chus cias ntơưv hâur đêx thâux lok zôngv, tsik pâuz shor hur lol tsik hur. Nhiv no, tâu têz qơưk cxưx nhiax kho têx car đêx tok lol txos ntuô tsêr, lok six zôngx ziv trâu sơưr đơưk.

Hâu shông no, kror qơư tok đêx trâu ntâu luz jok xã Chiềng Mai, muôz 6 tỷ nhiax lok uô, txos nhiv no tưz uô tas yax 50%, xav zuôr uô cov tiar lok zôngv trâu kaz shông 2023, txâuk đêx trâu yax 1.100 ziv pêx xênhv nhoz têx jok: Vựt Bon, Cơi Quỳnh, Cuộm Sơn, Dăm Hoa. Zơưs Nguyễn Trọng Nam, Chủ tịch UBPX xã Chiềng Mai, haik: Tok đêx trâu têx jok ntơưv xã Chiềng Mai zôngv, chia cov cxaz nzir têx ziv pêx xênhv tâu zôngv đêx hur ntơưv xã yax 95%. Nhiv no, xã chox car ban saiz car cxuô jok cxênhz yuôx, saiz car hâux lưv tok đêx tsênhr cov uô jông. Iz chas ntơư, bax tsưr ziv por hưv, saiz car, sir zôngv.

Txix shông 2021 txos nhiv no, huyện Mai Sơn tâu muôz nhiax uô 4 kror qơư tok đêx trâu chôngz pêx xênhv zôngv uô cê, muôx txâuk đêx trâu yax 1.600 ziv pêx xênhv nhoz têx xã: Phiêng Cằm, Chiềng Chăn, Chiềng Mai, Chiềng Lương; muôz nhiax tok đêx trâu 63 ziv pêx xênhv tsik nhoz uô cê ntơưv têx xã: Chiềng Mai, Chiềng Dong, Chiềng Kheo, Nà Ớt, Phiêng Cằm, Chiềng Nơi.

Zơưs Lại Như Long, Phó Chủ tịch UBPX huyện Mai Sơn, haik: Cxuô luôs hâux lưv, dự án, hâux lưv muôz nhiax paz tsôngv pêx xênhv hair nênhs tsơưs thôngz huyện, cêr chai paz trâu pêx xênhv trơưk đraiv cêr chai, zos nênhs. Dự án tưz paz pêx xênhv đơưk têx cêr phiv liv tsik muôx đêx, cxaz nzir pêx xênhv jêx jok tâu zôngv đêx hur thôngz huyện tâu yax 98%; pêx xênhv hair nênhs tsơưs luz nênhx tâu jông đuô.

Viv pêx xênhv luz nênhx, huyện Mai Sơn zuôr tror chox car cxuô xã, jok cxênhz cxuô kror qơư, bax nhiax uô cxuô dự án, têx dự án zâu yênhx phênhv; lês siz luôs jok têx nhiax tâu zok, gruô hu têx paz pơưs thiaz pêx xênhv côngv lês cxuô luôs hâux lưv; zênhx max đơưk têx cêr phiv liv, zênhx max lês cxuô luôs hâux lưv, dự án trơưk tuôr xav. Sir jos txos shông 2025, thôngz huyện muôx 99% ziv pêx xênhv jêx jok tâu sir zôngv đêx hur.