Muôx zuôr luôs 500 đaiv zênhx zav zos Trung tâm Nthuôr Txux chi Việt Nam, Bảo tàng Txux chi cxuô hair nênhs Việt Nam thiaz tỉnh Sơn La, Lai Châu, Thanh Hóa, Ninh Bình siz chos lês. Njiaz luk piar kria têx zênhx zav Chủ tịch Hồ Chí Minh, nov chox car Đảng, Têz qơưk lok shuôk pêx xênhv cxuô hair nênhs tox siaz; têx qơư jông gâux, pêx xênhv tox siaz luz nênhx, txux chi, tiz nênhs tox siaz. Lar haik mak, hâur qar tsêr nthuôr zênhx zav tsênhv muôx iz câuv ciaz tox siaz Kâuv têz.

Thax qơư nthuôr txux chi zênhx zav tỉnh Sơn La, muôx 80 đaiv zênhx zav trơưk 3 zav: “Sơn La têz qơưk thiaz lênhx tiz nênhs” haik mênhx têx hâux lưv huôv tsar nhiax txiax - xã hội ntơưv tỉnh; “Têx txux chi jông Sơn La” muôx yax 20 zav txux chi thiaz têx qơư cênhz cưv, qơư nuôv zax; “Txux chi Sơn La” muôx ntâu zênhx zav jông gâux zos têx qơư nuôv zax  hâur tỉnh.

Nthuôr zênhx zav chia piar kria trâu tsôngv fôngx zưs hâur têz qơưk thiaz ntiax têz pâuz têx zav muôx txơưv chia huôv tsar nuôv zax thiaz txux chi cênhz cưv jông cxuô hair nênhs hâur ntu nênhx hlôngr yiaz đros ntiax têz siz khov thiaz huôv tsar.