Nthuôr kria têx zav "Txix Tsêr tux Sơn La txos Tsêr tux Côn Đảo – Kror qơư tsiv txov tiz nênhs liv hiav yax hâur ntiax têz"

Hnuz 12/6, ntơưv qơư cênhz cưv têz qơưk Tsêr tux Sơn La, Bảo tàng thiaz Thư viện tỉnh Sơn La; Bảo tàng - Thư viện tỉnh Bà Rịa – Vũng Tàu tưz siz chos nthuôr kria têx zav "Txix Tsêr tux Sơn La txos Tsêr tux Côn Đảo – Kror qơư tsiv txov tiz nênhs liv hiav yax hâur ntiax têz".

Piz nthuôr kria têx zav "Txix Tsêr tux Sơn La txos Tsêr tux Côn Đảo – Kror qơư tsiv txov tiz nênhs hâur ntiax têz"

Tsêr tux Sơn La thiaz Tsêr tux Côn Đảo - zos oz luz tsêr tux zênhz nduôz uô lok cơư nênhs ntơưv oz tos hâur pêz têz qơưk, iz kro qơư nhoz trâu har jôngr nux txênhs Tây Bắc, iz kro qơư nhoz trâu hâur đruôz đraz por trôngz hiar txưr kaz têz qơưk. Oz kror qơư nhoz đrus đêz taz sik côngv iz ntu tir ntâuk tros. Ntơưv têx qơư no, zênhz nduôz tưz zôngv cxuô faz tsưr ziv liv hiav yax chia tsiv txov têx nênhs cách mạng, ruôr yêv cov pêx xênhv pêz têz qơưk tsik muôx nênhs sơưr tir tros, taz sik zênhz nduôz tưz sưz têx nênhs truôx siaz pêz Têz qơưk. 

Têx đại biểu txiar ntâuz tso yar nthuôr têx zav muôx trơưk njiaz luk.

Nthuôr kria zuôr luôs 300 zav, zos têx zênhx zav, cxuô tsar zav muôx txiax njis cik txos têx cênhz cưv tir tsor tros yơưz tâu hâur thôngz têz qơưk thiaz têx đas jos, phaz nzưr uôk têx cán bộ chuyên môn njuôk tsov tâu, muôx txiax njis yax chox tuôx nthuôr trâu sơưr đơưk saiz. Têx zav tâu nthuôr jias no zos têx por thơưx tsênhz mênhx yax traau têx cêr liv hiav zênhz nduôz tsiv txov thiaz nênhs Việt Nam truôx siaz, pir txưr txos têx cêr tir tsor tros txov nhêv yax thâuv ntêx, cov sơưr đơưk pâuz mênhx đuô ntu đhâu thiaz nhiv no. 

 

Têx đại biểu ndis saiz têx qơư nthuôr zênhx zav.

Chiến sĩ Bộ chỉ huy Tuz lênhv đriv têz tỉnh ndis saiz têx qơư nthuôr zênhx zav. 

Hâur jias no cux muôx hâux lưv choz kria cênhz cưv, qơư trâu têx mê nhuôv zâu nthuôr phaz nzưr.

Têx hluôk lo đuôz yênhx đaiv zênhx zav Qơư cênhz cưv Tsêr Sơn La.

 

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Têx jâuv cox moz siaz txos

Mông yiaz

Xem thêm