Thax tsav nuôv zax têz qơưk Mộc Châu tưz tâu ntâu kror qơư pâuz txos zos thax tsav chos ntâu txir khơưz yax hâur hur si têz qơưk. Têx shông đhâu, ntâu hâux lưv nuôv zax ndis shuôk vax txir khơưz zênhv hnuz zênhv tsik tsês huôv tsar, yênhx tsưr ziv gruô hu chôngz kruô tuôx ndis shuôk. Lar haik, hâu chaix ntux sor cux zos ntu lax trôngz Mộc Châu hla trâu chaix txir khơưz siar. Txos nhiv no, yênhx jias so kaz tuần, txox cêr muk lok hâur têx vax txir khơưz puôr lênhx muôx chôngz kruô tuôx ndis shuôk đrông ntưk, lar haik ntơưv phường Thảo Nguyên đros trâu muôx ntâu kror qơư nto mông li vok har txir khơưz Nà Ka, têx vax txir khơưz jông jav ntơưv tổ dân phố Pa Khen.

Kriz uô ntêx trâu têx hâux lưv gruô hu kruô nuôv zax chaix ntux sor, phường Thảo Nguyên taz tov moz siaz bax trâu Hnuz grâuv pax đê txir shông 2026 trâu luz 5 hli đros tsik tsês chox car, tsov xav ntov nti hâux lưv huôv tsar nuôv zax hâur thax tsav. Pos Phạm Tú Uyên, Phó Chủ tịch UBPX phường Thảo Nguyên, kria pâuz: Shông no, zos shông xuz thơưx phường Thảo Nguyên kriz hnuz grâuv pax tov kaz fuô lês tsưr ziv nov hâu thax tsav 2 cấp. Hnuz grâuv pax moz siaz fuô lês têx hâux lưv zov chênhr li tưr đê txir, trâu trôngx txir jông, kria pâuz huv kôngz txir nox, txux chi, nuôv zax ntơưv thax tsav đros têx hâux lưv ndis shuôk trâu kruô nuôv zax hâur vax txir khơưz. Kror hlôngr yiaz ntơưv hnuz grâuv pax shông no, zuôr kriz têx jias livestream muôs kôngz txir nox. Hnuz grâuv pax zos jias chia kria cxuô kror qơư pâuz, gruô hu chôngz kruô tuôx shuôk trâu lax trôngz Mộc Châu đros trâu njiaz luk tâu Ban kriz Hnuz grâuv pax huôv tsar đêz đar, ntơư zos "Cor lax trôngz xiv liaz - kâus txir khơưz Mộc Châu kror tsư ha".

Chaix ntux sor, Sơn La muôx lok six ntâu hov txir taz tov tâu tsov xav huôv tsar trơưk thax tsav chos ntông nox txir nhoz uô cê thiaz tsov xav têx chaix chos kôngz txir nox txuôk nzir. Hâur ntơư, tsuv xav txos kror muôx kaz hâu txix hâux lưv kria pâuz, gruô hu kruô nuôv zax tuôx ndis shuôk têx hnuz grâuv pax txir ntông siar, li: Hnuz grâuv pax txir khơưz Phiêng Khoài, Hnuz grâuv pax txir khơưz Lóng Phiêng, Hnuz grâuv pax mo môngk Yên Châu, Hnuz grâuv pax lưv tsiz Sông Mã…

Zơưs Lò Đức Việt, Phó Chủ tịch UBPX xã Yên Châu, haik tiak: Xã Yên Châu tsov xav kriz Hnuz grâuv pax Mo môngk shông 2026 trâu kaz luz 5 hli đros trâu têx hâux lưv cxơưz, kria pâuz kôngz txir nox, nuôv zax, txux chi thax tsav. Kror qơư kriz hnuz grâuv pax zos jok Khá, qơư taz tov tâu xã xair tsov chia cxiv tsa jok nuôv zax jêx jok đros trâu têx hâux lưv, tsưr ziv ndis shuôk txux chi hair nênhs Poz Ziz.

Pâuz tâu muôx ntâu ziv nênhs xar ndis shuôk nuôv zax hâur chaix ntux sor, têx tsêr luôv, hợp tác xã tưz zênhx max hlôngr yiaz têx hâux lưv, tsưr ziv huôv tsar nuôv zax trơưk faz ndis shuôk “nuôv zax njuôz” trâu ntâu shông zus, lar haik xav tơưv kror qơư nziv nhiav trâu mê nhuôv zâuk uô si.

Tix lâus Nguyễn Cao Cường, Giám đốc HTX Nậm Nghẹp, xã Ngọc Chiến, haik pâuz: Ngọc Chiến muôx tox trôngz hâur pêk siaz, jông jav, đêx ar huôz chuô lax nziak thơưv shông, lar haik nziv nuôv zax jav ntux sor hâur chaix so ntơưr. Chaix ntux sor no, HTX tưz đros têx paz niav txir kriz jias uô tsêr ntâuz chaix ntux sor trâu mê nhuôv zâuk đros têx hâux lưv ndis shuôk tox trôngz hâur pêk, muôz blôngx shôngz blôngx ntông, luz poz jê mê cok tơưv đuôz, cơưv shâuv txux chi, chos ntông... Nhiv no HTX muôx 14 thành viên thiaz đros zuôr luôs 100 thành viên zos têx nênhs chox kruô muk nuôv zax chia siz chos nthuôr têx hâux lưv, tsưr ziv ndis shuôk tox trôngz hâur pêk Ngọc Chiến.

Ntơưv têx thax tsav, kror qơư nuôv zax, têx tsêr luôv tưz moz siaz cxiv kho, uô yiaz têx tsưr ziv, hâux lưv ndis shuôk, chia gruô hu chôngz kruô tuôx shuôk thiaz nuôv zax hâur chaix ntux sor. Hâur ntơư tsuv thav txos tsưr ziv cê tâu ndis shuôk, so txuôs jos, uô si, têx cxiax cxênhv Workshop ntơưv Thax tsav nuôv zax Mộc Châu Island; Thax tsav nuôv zax har jôngr chiaz jok Áng, phường Mộc Sơn đros trâu qơư uô si khủng long trâu nênhs lâuk thiaz mê nhuôv zâuk; Phố muk tơư - Ciaz hmo ntux Mộc Châu đros têx cxiax cxênhv haik cưr cxiax jông, txuôs jông txux chi tox siaz; “huôz pư har” Tà Xùa đros tsưr ziv ndis shuôk huôz pư har, đê njik yuôx zêx lâuk, ndis shuôk har jôngr lâuk... Sở  Txux chi, Thể thao thiaz Nuôv zax tưz chox car, tsov xav ntov nti côngz xưv saiz car Têz qơưk lok sâuv nuôv zax, tsik tsês zaz zâuv têx tsêr luôv fuô lês ntov nti hâux lưv rais mênhx pêv gri muôs zos chai, muôs hax huv jông; to tâuz por hưv đêx ar huôz chuô nyiaz hur, kar nox hur, tsưx truôx thax tsav nhoz njias to... paz trâu têx kruô ndo njôngr tsik plox trâu đruôz siaz têx qơư nuôv zax Sơn La jông.

Nuôv zax njuôz sir jos txos ndis shuôk muôx txiax njis, muôx gri taz tov yênhx luôs hâux lưv lok six zov chênhr, cxiv tsa nuôv zax Sơn La muôx ntâu hlôngr yiaz. Đros trâu kror nhiav kruô ntơưv pêx xênhv thax tsav, muôx ntâu kôngz txir nox jông thiaz têx sir jos paz zuk muôx ntâu hlôngr yiaz ntơưv ngành nuôv zax, Sơn La chia siaz zuôr zos qơư nuôv zax jông, muôx txiax njis zov chênhr trâu têx kruô tuôx shuôk thiaz nuôv zax hâur luz chaix ntux sor.