Jias njuôk moz no lês hâur 2 hnuz (13 thiaz 14/12), tưz njuôk trâu yax 300 tus mê nhuôv zâuk: Iz txưv moz plơưr tưz tâu têx qơư njuôk kho moz njuôk pâuz mênhx moz zuôr tsuv tâu faik tsênhv sox saiz đas jos tsik so; têx mê nhuôv nhax nziv moz plơưr thâuv tsênhv nhoz đruôz thiaz, têx mê nhuôv xar tâu njuôk saiz plơưr.

Ntơưv jias njuôk moz, têx cưk kho moz Trung tâm Kho moz plơưr – Tsêr kho moz E tưz njuôk saiz moz plơưr, tsov saiz plơưr thiaz siv nyar, uô cxuô zav ntơưr zov chênhr. Têx mê nhuôv moz plơưr, mak têx cưk yuôx kria vax tsê chox muk kho thiaz uô cxix têx ntâuz ntơưr zov chênhr. Têx mê nhuôv zos ziv pluôs, ziv nênhs têz qơưk muôx chai paz tâu njuôk pâuz mênhx moz zuôr tâu paz kria uô ntơưr paz faik đơưz. Têx nhiax paz faik kho moz plơưr zos Công ty THNHH Tsêr luôv xã hội Vietnam Children’s Fund (VCF SE) paz.

Luz luôs hâux lưv no lok six muôx txiax njis, paz cv nzor pov têx mê nhuôv txix 18 tror hâur moz plơưr; chia zênhx max faik, kho cov jông, lar haik mak têx mênnhuôv zâuk nhoz tox siaz đêz đrôngs, vax tsê txov nhêv. Tsêr kho moz Đa khoa tỉnh thiaz tsêr khoz moz E siz paz pênhr xưv, tsưr ziv trâu cán bộ njuôk khho moz ntơưv tỉnh. Tsik tas li, nthuôr huôv luôs hâux lưv siaz đơưz, paz cov tsôngv pêx xênhv sơưr đơưk txâuk đas jos uô nênhx, cxơưz luôs hâux lưv sơưr đơưk viv mê nhuôv zâuk ntơưv tỉnh Sơn La ntu 2021-2030.