Ntơưv jâus njiz, têx đại biểu tưz yaz đuô cênhz cưv 75 shông cxiv kho thiaz lox hloz ntơưv ngành Công Thương Việt Nam. Hnuz 14/5/1951, Chủ tịch têz qơư Việt Nam Dân chủ Cộng hòa tưz ký Sắc lệnh số 21 hlôngr bê Bộ Kinh tế yênhx Bộ Công Thương, chiv njôngr kror tsa tơưv ntơưv ngành Công Thương Việt Nam. Hnuz 2/10/2008, Thủ tướng Chính phủ tso tơưv Quyết định số 1418/QĐ-TTg zuôr hnuz 14/5 yênhx shông zos “Hnuz cênhz cưv ntơưv ngành Công Thương Việt Nam”. Hla đhâu 75 shông cxov kho thiaz huôv tsar, têx fâuv cán bộ, công nhân, viên chức thiaz nênhs uô nuv ngành Công Thương tưz uô tiar jông cxuô zav hâux lưv chính trị, nhiax txiax, xã hội, paz tsênhv chênhz trâu xưv cxênhx tso nênhs đhâu cêr tsiv txov, côngv iz luz têz qơưk, por hưv thiaz cxiv kho Têz qơư  Việt Nam xã hội chủ nghĩa. 

Hâur ntu ntâuk tros ntêr hâur têz qơưk, ngành Công Thương Sơn La cê truôx siaz tir tros, cê trâu siaz uô nuv, uô tiar jông hâux lưv tâu zok, chok nxiak muôx cxur nox, kar nox, triav fov, cxuô zav trâu yar tros. Hâur ntu hlôngr yiaz, sir jos công nghiệp hlôngr, fiv huv hlôngr thiaz siz khov ntiax têz, Công Thương zos ngành nhiax txiax tsênhv chênhz, jos lox, ndêx cxênhv trâu têx ngành nhiax txiax, cxuô zav txơưr, paz tsênhv chênhz trâu cêr huôv vav nhiax txiax - xã hội ntơưv tỉnh.  

Tror huôv nzir cêr txơưv zênhx ntơưv thax tsav, ngành Công thương tror tsik tsês saz lax trâu tỉnh sir jos huôv tsar điện uô đuô tâu, công nghiệp jov kôngz txir đros têx thax tsav chos kôngz txir, iz thênhv yôngv siaz nux gri têx huv li yuôx zêx, cà phê, mo môngk, lưv tsiz, tuôz ziz... Lês trơưr nuv truôx njês, muôx liv ntơưv 60 luz tsêr máy điện đêx tov thơưx thiaz zâu, paz ntâu trâu tsar nhiax txiax ntơưv tỉnh. Ntâu dự án paz uô jông kôngz txir tưz uô tiar thiaz lês nuv,li: Tsêr máy hmôngr kol ntông BHL, Tsêr máy jov kar nox VFI Sơn La, Tsêr máy xơưk tơưv khâu tơưr ntơưv xã Yên Châu… Shông 2025, faz công nghiệp tsik tsês lês trơưr tsar nhiax hov ntâu, tâu 11,93% njuôk li chaix no tsaiz uz, sơưr tiv 12/34 tỉnh, thành phố. Đros ntơư, sir jos txuôk chuôs, kria tsêr luôv sir zôngv lax luôv điện tử; tsik so txuôs jông, jov nka, muôs kôngz txir luôs têz qơư; por hưv cêr muôx liv trâu nênhs sir zôngv thiaz tir tar têx nênhs muôs zuôv chai, nox tâuz hâu lax luôv tâu fuô lês muôx liv... 

Fuô luk phôngv côngz ntơưv jâus njiz njêx muôs saiz hloz, đồng chí Nguyễn Thành Công, Phó Chủ tịch UBPX tỉnh sâu nhav, kruôk txos têx nuv uô tâu, paz max ntơưv Sở Công Thương hâur ntu đhâu, paz trâu cêr huôv tsar hur si ntơưv  ngành thiaz chuôz tâu jos tsênhv chênhz cêr huôv vav nhiax txiax - xã hội ntơưv hur si tỉnh. Chox tâu cêr uô nuv zos fiv trâu ntu zuôr txos, đồng chí cxiz cov ngành côngv fuô lês têx côngs tsưr ziv uô tâu muôx yax. Lok sâuv huôv tsar điện tơưk, ngành tror saz lax lês muôx liv Tuôr xav điện 8, đros ntơư trâu siaz đơưk têx chor nhov, khuôv đais trâu têx dự án điện uô đuô tâu, chuôz jos chia công nghiệp ntơưv tỉnh muôx yax, tok txos cêr tsar nhiax oz tus lêx. Iz chas ntơư, sir jos uô, cxơưz cêr luôv siz chuôs, zuôr muôs kôngz txir; huôv tsar lax luôv, cxuô zav, ndo njôngr xav cêr pâur muôs chia paz max trâu têx tsêr luôv. Côngv tias trâu cêr phax, tar nênhs muôs huv zuôv chai, nox toz hâu, huv chuôr, jông tsik tas, nhias luôs tus uô zuk tus, por hưv cêr muôx liv nênhs sir zôngv. Yôngv siaz côngz xưv saiz car txos công nghiệp khơưz têx côngr...