Tưr Zênhx ndê trôngz muôx 270 tus vận động viên tuôx ntơưv ntâu thax tsav thiaz iz cxia têz qơư li Pháp, Úc… tưr ndê muk đêz li 3,5 caik cêr, 15 caik thiaz 25 caik cêr.

Hâur hnuz tưr xuz thơưx, têx vận động viên muk ndê tênhr trôngz Tà Rông – cêr piz muk trâu tox trôngz nxaz, siaz li 2.700m njuôk li blaiv đêx hiar txưr, taix khov muôx jos thiaz tsưr ziv. Hla trâu hnuz 22/3, têx vận động viên tror muk, ntur juk ndê têx tênhr trôngz Tà Tao, Háu Nả Tà thiaz Tà Dê Đơ, têx txox cêr har jôngr lâuk, nxok tsơưr ntơưv thax tsav tox siaz Ngọc Chiến.

Tas nro jâus tưr, têx vận động viên muk đhâu ntâu ntu cêr nxok đros cêr har phaz nkhâul lêv, ntar trôngz nxaz. Saz ntus cêr, pax tuôz ziz tơưs đơưz pâus, muôx têx zav jông gas siaz; sâuv trôngz siaz, tas nro Ngọc Chiến pov jông saiz, txâuk siaz. Têx vận động viên muk thôngz cxuô txos cêr tưr trơưk yênhx kror xav ntêr, pov njôngr khor jos thiaz truôx siaz tưr.

Tưr Zênhx zos yar uô si thể thao gas siaz, siz chos paz cxơưz cêr siz tưr cơưv uô thể dục thể thao hâur pêx xênhv, lês trơưk jâus zaz zâuv “Tas nro pêx xênhv cơưv shâuv cov iz chê trơưk Hloz Hôx ”;  đros ntơư, yâu mông njux đuôz tox trôngz hâur pêk, txux chi thiaz zav txơưv zênhx nuôv zax Ngọc Chiến txos fôngx zưs hâur zuk têz qơư thiaz ntiax têz.