Ntu no, têx vax txir kiar lax trôngz Mộc Châu taz tov zos chaix đê muôx kruô tuôx ndis saiz siv , đê. Muôx njêx muôs ntơưv LamSon Farm Mộc Châu, phường Mộc Sơn, pêz gas siaz trâu têx qơư njuôz lax chuô, têx lênhx txir kiar ndax kra, sâuv tsar yênhx trêk txir siar muôx cuô taz tov siar liaz xiar luk lok sik trâus kror muôs saiz . Chia muôx têx trêk txir kiar tok kruô, tuz kôngz  Mộc Châu tưz tas ntâu đas jos tu.Chos txir kiar trâu tox siaz lax trôngz muôx kror nông jơư li   Mộc Châu taix khov tsưr ziv tu ntov nti. Têx tsêr xor vak, tsêr tsov iar tâu cxiv tsa chia vor nas, tsik muôx caz hmoz hiav thiaz cxênhz tâu kror txiak sor.

Tix lâus Nguyễn Văn Quyết, Saiz car LamSon Farm Mộc Châu, thav: Nhiv no, vax kôngz txir muôx jê 1 ha chos txir kiar đuz (Hạ Đen); ntơư zos nôngz txir kiar “ lax tu” taix khov muôx tsưr ziv txiar chês, lưv ciz tso qir, tu saiz. Iz chas tu txir, mak tsênhv kho đuô, chia njia jông saiz, muôx qơư ndis, muôx têx qơư cxaik zênhx zav check-in. Kruô nuôv zax thâuv tuôx ndis saiz zuôr tâu nox siv thiaz kria txos lưv ciz tu ntov nti, txix ntơư cxiv tsa cêr njênhs trâu bê lax luôv kôngz txir hur Mộc Châu.

Pâuz txos vax txir kiar LamSon Farm Mộc Châu đhâu têx faz mạng xã hội muôv Nguyễn Thị Nga, Thành phố Hà Nội, tưz nzaz nzơưv kaz tuần chox têx mê nhuôv tuôx ndis siv, saiz ntơưv no. Taz  tov xair têx trêk txir kiar ndư, muôv Nga thav:Tuôx txos vax txir kiar pêz tâu pov lax txiak hur si thiaz tâu nus pâuz txos lưv ciz uô tơưv txir hur, pâuz txux uô kôngz  txir. Tưx zuk cxaik têk đê têx trêk txir kiar muôx cuô khênhx lav, nox siv txir kiar cias ntơưv vax, cxuô tus nênhs hâur ziv nênhs pov lok sik nhiav.

Ndaiv LamSon Farm Mộc Châu, pêz muk txos tổ dân phố Bãi Sậy, phường Mộc Châu. Vax txir  kiar Tâm Huê ntơưv no nhoz ntơưv yar tiax, muôx têx tsêr xor vak ntov nti. Nhiv no, txir kiar đuz (Hạ Đen) taz  tov zos chaix đê; têx trêk txir kiar siar đuz xiar luk, muôx cuô tâu têx kruô nuôv zax ndis saiz đê nox siv thiaz zuôr cias ntơưv vax.

Pos Vũ Thị Huê, tổ dân phố Bãi Sậy, kria tiak:Nhiv no nưk ziv nênhs chos tâu yax 2.500 m² txir kiar. Xuz thơưx, vax txir kiar tâu cxiv tsa chia uô tơưv, uô luôv; taz sik, thâuv ntâu tus pêx xênhv thiaz kruô nuôv zax saiz txos, nưk ziv nênhs tưz kriz cêr trâu kruô nuôv zax ndis saiz, đê siv. Nhiv no vax siz khov đros cxuô pưs kruô nuôv zax ndis saiz, chia kruô cxaik zênhx zav, tưx zuk cxaik têk đê siv têx txir kiar siar ntơưv vax, zuôr muk uô huv krưr. Ndax cxuô hnuz, vax tok tâu li  30 lưv pưs kruô nuôv zax; kaz tuần chôngz li 200 lưv pưs kruô tâu ntâu tus kruô nuôv zax tso hâur mạng xã hội. Txix ntơư, têx txir kiar đê zov chênhr muôs cias ntơưv vax, tsik cxơưx zok nriar cêr muôs zuôr txir.

Đros niav txir tuôx ndis saiz, tưx zuk cxaik têk đê têx trêk txir kiar siar muôx cuô, cưr Nguyễn Khánh Huyền, tuôx ntơưv tỉnh Quảng Ninh, jông siaz thav: Ntơưv no zos jâus xuz thơưx cur tâu pov hmaz txir kiar, cur njia pov txơưr hlo thiaz nhiav. Thâuv tâu xair đê têx trêk txir kiar siar thiaz jông saiz chia chox muk kria trâu pos, zơưs thiaz têx nênhs hâur vax tsê.

Têx vax txir kiar lax trôngz Mộc Châu taz tov yênhx qơư ndis, siv gas siaz trâu têx kruô nuôv zax. Txos ntơưv no, kruô nuôv zax tâu đros nhoz hâur qơư njuôz lax ntơưv têx vax txir kiar ndư ndos, tâu đêx txir, siv nox cias trâu ntơưv qơư đros cêr ndis tox trôngz hâur pêk. Qơư uô kôngz txir đros kriz cêr nuôv zax tox trôngz hâur pêk siz chos yôngv siaz gri kôngz txir zuk thax tsav, muôx ntâu tsar huv nuôv zax thiaz haik tsênhz cêr gas siaz ntơưv Mộc Châu txos kruô nuôv zax hâur zuk thiaz luôs oz chas têz ./.