Uô cưx txox cêr yêz txix đrôngs xã Sam Kha muk trâu jok Sam Kha ntêr 5 caik nhiv kruôr tâu lênhv bê tông, uô tas yax 4 tỷ nhiax txix pênhr têz qơưk muôz lok huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz. Tix lâus Por Xênhv Thox, Hâu jok, sir phaz lus haik: Muôx cêr bê tông, pêx xênhv lok six shir phaz. Thâuv ntêx, xar muk txos đrôngs xã tas zuôr luôs iz six hơưv, zos ntux lok nas mak tsuôk muk tơư xưz. Nhiv no, cêr tưz tâu lênhv bê tông đar pho, zôngx ziv muk lok, tsuôk tas 10 phút xưz txos đrôngs xã lơưv; pêx xênhv têx poz cưk, kok ntông muôx yêz lox tuôx zuôr cias ntơưv jok, shông tưs cux tâu gri; cxuô zav hax huv yêz lox cux thâux tuôx muôs txos ntuô jok, pêx xênhv luz nênhx tưz tâu jông lơưv ntâu.

Zơưs Cờ Xênhv Thox, Chủ tịch UBPX xã Sam Kha, haik: Sam Kha zos xã tox siaz, tsênhv lok six txov nhêv ntơưv huyện Sốp Cộp; Yax 98% pêx xênhv zos Hmôngz, muôx 9 luz jok, 612 ziv thiaz yax 3.760 lênhx nênhs. Txix pênhr nhiax têz qơưk paz, xã tưz muôz chaz điện, uô cêr, uô tsêr cơưv ntơưr, tok đêx hur thiaz huôv tsar nhiax txiax. Txix ntơư, pêx xênhv luz nênhx tưz tâu jông jux juk, têx jêx jok ntơưv xã zênhv hnuz zênhv hlôngr yiaz. Nhiv no, txox cêr txix ntơưv đrôngs huyện txos xã tưz  tâu muôz nhiax lênhv đu lus, đar pho; taz tov uô ntu cêr Sam Kha - Mường Lèo; tsêr uô hâux lưv, tsêr txux chi ntơưv xã puôr lênhx tâu muôz nhiax uô yiaz, 100% jok muôx cêr yêz lox thiaz muôx điện têz qơưk; 7 jok muôx tsêr txux chi khor kho.

Ntu 2021-2023, huyện Sốp Cộp tâu zok yax 120 tỷ nhiax uô têz qơưk luz luôs hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz. Txos nhiv no, huyện tưz paz thôngz ntiv đêx trâu 44 ziv pêx xênhv, xav yax 2 tỷ 400 triệu nhiax; cxưx nhiax cxiv tsa 5 kror qơư tok đêx trâu pêx xênhv zôngv uô cê; cxiv kho qơư nhoz trâu pêx xênhv mas ntux nas hiav ntơưv jok Pu Hao, xã Mường Lạn, tas yax 5 tỷ 100 triệu nhiax. Cxưx zuôr luôs 13 tỷ nhiax uô têx cêr yêz jêx jok paz pêx xênhv muk lok, uô lax luôv zôngx ziv đuô. Paz kria tsưr ziv uô hâux lưv trâu pêx xênhv nhoz jêx jok; muôz 5 tỷ 300 triệu nhiax uô cxuô tsar zav, cxơưv chuôz zênhx paz Yar cơưv PTDT bán trú TH thiaz THCS Nậm Lạnh.

Zơưs Vũ Văn Quân, Phó Chủ tịch UBPX huyện Sốp Cộp, haik: Lês têx luôs hâux lưv têz qơưk, huyện Sốp Cộp tưz chox car cxuô phòng, ban chuyên môn đros cxuô xã cxênhz yuôx tas nro têx nhiax muôz uô cêr yêz jêx jok, tok đêx hur, uô cưx lias, tsêr txux chi xã, jok... Chox car cấp ủy, nov hâu cxuô xã fuô chai, gruô hu pêx xênhv tưx zênhv jav ar uô cxuô zav zos sơưr đơưk tus trơưk li tuôr xav. Iz chas ntơư, nthuôr huôv phênhv shuôv MTTQ thiaz têx tổ chức chính trị - xã hội ntơưv xã, jok thiaz px cxênhz, sox nyis.

Nhiv no, cxuô xã ntơưv huyện puôr lênhx uô tâu tsêr uô côngz xưv, tsêr txux chi xã, tsêr cơưv ntơưr, tsêr njuôk kho moz; muôx cêr yêz lox muk txos ntuô đrôngs 8 xã lênhv bê tông; yax 90% pêx xênhv tâu zôngv điện têz qơưk thiaz đêx hur. Huyện muôx 2 xã Sốp Cộp thiaz Dồm Cang tưz tâu côngk nhav txâuk chai jêx jok yiaz.

Lês jông hâux lưv txo cêr pluôs, tsik chia pêx xênhv tưz tơưv đhâu cêr pluôs ho tror pluôs thiaz nzir ziv pluôs yiaz, sir jos txos shông 2025, tiv tsôngv ziv pluôs trơưk chai yiaz muôx 25%. Huyện Sốp Cộp zuôr tror zôngv nhiax têz qơưk paz uô cxuô tsar zav cov muôx liv. Moz siaz uô cxuô tsar zav chia cxơưz nhiax txiax - xã hội huôv tsar, paz pêx xênhv hair nênhs tsơưs nhoz cxuô xã, jok txov nhêv cov uô nênhx tâu jông đuô.