Ntơưv xã đriv têz Phiêng Khoài, iz hâur têx thax tsav chos txir khơưz ntâu yax ntơưv tỉnh đar yax 2.500 ha, xav yênhx shông sâu tâu yax 25.000 tấn txir, hlôngr pâur số taz tov paz pêx xênhv hlôngr yiaz tsưr ziv kria cxuô kror qơư pâuz thiaz muôz hax huv lok muôs hâur cêr lax luôv. Tsik zos moz siaz hlôngr yiaz hax huv, thax tsav tsênhv moz siaz paz pêx xênhv pâuz sir zôngv chuôz zênhx, sir zôngv têx cxênhx cxênhv số chia kria pâuz hax huv, đros têx nênhs zuôr huv siz txuôk luk. Nhiv no, têx luz xor tôngx txơưx njê tsik zos tâu chia hu xưz, mak tsênhv yênhx chuôz zênhx cơư tơưv têx đuôz thax tsav chos, hax huv jông trâu tiz nênhs zuôr huv nhoz ntâu luz tỉnh, thành phố pâuz.

Zos iz hâur têx nênhs moz siaz muôz huv txir khơưz lol sâuv têx cxênhx cxênhx mạng xã hội chia đros têx nênhs zuôr huv siz txuôk luk, niav lâuk Phạm Hồng Ngọc, xã Phiêng Khoài tưz xair faz thav jax đaz nênhs lok sâuv thax ar, hâux lưv por hưv ntông txir khơưz, têx chaix pax txir khơưz tơưs đơưz pâus têx đraz trôngz uô ntêx thâuv txix txir hâur jias livestream. Niav lâuk Ngọc kria pâuz: Đrav ntêx cur ziv nênhs phênhv ntâu muôs huv trơưk tsưr ziv kuz, tsuôk zos tok nrư têx kruô zuôr cav thiaz tuz luôv tuôx nus zuôr. Thâuv pâuz sir zôngv mạng xã hội, cur ziv nênhs xar đros têx kruô thav cias, kria pâuz hax huv cias hâur vax cux tâu. Hâux lưv tiz nênhs tâu pov cxênhx cxênhv por hưv, đê txir paz lơưr pâuz mênhx đuô lok sâuv hax huv, njênhs đuô thâuv xair zuôr hax huv.

Đros ntơư, ntâu HTX ntơưv Phiêng Khoài cux taz tov hlôngr yiaz cêr xar lok sâuv sir zôngv chuôz zênhx jông hâur uô luôv kôngz txir nox. Niav lâuk Nguyễn Thị Nguyệt, Phó Giám đốc HTX Kiên Cường, thav tiak: Hâu têx hnuz livestream tưz njiz ntâu cêr txov nhêv tiv zos txax muôs, tsik pâuz sơưr kria pâuz hax huv ntơưv luz máy cơư đuôz. Đhâu iz ntu cơưv shâuv, HTX tưz iz phênhv tưs cxiv tsa tâu tsưr ziv kria pâuz hax huv fiv huv, tưx đros tiz nênhs zuôr huv thav thiaz kriz đar tsưr ziv uô lax luôv. 

Ntâu tsêr luôv hâur thax tsav tỉnh cux taz tov tsik tsês sir zôngv chuôz zênhx số hâur huôv tsar kôngz lông, uô lax luôv, lar haik li Công ty cổ phần Tập đoàn Minh Tiến - Chi nhánh Sơn La. Tsêr luôv tưz fuô lês sir zôngv chuôz zênhx hâur saiz car, chox car, xav nhiax, marketing; đros ntơư tsik tsês kria pâuz hax huv sâuv website, mạng xã hội thiaz têx qơư uô luôv điện tử. Zơưs Nguyễn Minh Đức, Phó Tổng Giám đốc Công ty, thav kria: Hâux lưv sir zôngv chuôz zênhx số paz tsêr luôv tâu đros têx kruô thav sai đuô, tưx tso tơưv tsưr ziv kria pâuz hax huv, kriz đar cêr lax luôv đros xav nhiax thêv fiv huv đuô. Pos Phạm Thị Thủy, Phó Giám đốc Trung tâm Uô luôv Bưu điện tỉnh, haik pâuz: Nhiv no, đơn vị taz tov đros têx tsêr luôv, HTX thiaz ziv nênhs huôv tsar kôngz lông paz siz txuôk luk, muôz kôngz txir nox lok muôs trâu têx cxênhx cxênhv số, kriz đar kênh kria pâuz, uô luôv hax huv. Paz têx HTX, ziv nênhs huôv tsar kôngz lông fiv huv tsưr ziv uô lax luôv yiaz, tỉnh tưz fuô lês ntâu tsưr ziv paz tuz kôngz cxiv tsa qar tsêr huv trực tuyến, kria pâuz hax huv, cơư đuôz, livestream muôs huv, sir zôngv chuôz zênhx saiz car tsưr ziv uô nox, sâu tsês têx hâux lưv uô tâu điện tử, xav nhiax txiax số. Txos nhiv no, tưz muôz 70 hax huv OCOP thiaz kôngz txir nox jông ntơưv thax tsav lok muôs trâu têx qơư uô luôv điện tử buudien.vn; đros ntơư tsênhv kria pâuz têx nênhs uô tiar xor mông, đuôz hax huv, iz phênhv tưs đros tiz nênhs zuôr huv thav sâuv huôz chuô số.

Đros trâu hâux lưv paz muôz hax huv lok muôs sâuv têx cxênhx cxênhv số, tỉnh Sơn La tror uô tiar têx kênh cxơưz cêr lax luôv trực tuyến, cxaz nzir kror qơư kria pâuz trâu kôngz txir nox thax tsav. Nhiv no, muôx 60 hax huv tâu kria pâuz sâuv cêr lax luôv điện tử sonla.sanviet.vn; 42 tsêr luôv, HTX đros 50 hax huv jông tâu kria pâuz sâuv Cổng thông tin cxơưz cêr lax luôv ntơưv tỉnh. Iz chas ntơư, 63 HTX tâu paz cxiv tsa mã số thax tsav chos, paz tso tơưv cxênhx cxênhv uô nox txâuk chai, zôngx ziv pâuz mênhx qơư chos, paz tâu cêr lax luôv kror taix nus nhiv no. 

Zơưs Đào Văn Quang, Phó Giám đốc Trung tâm Cxưx nhiax uô, Cxơưz cêr lax luôv thiaz Nuôv zax tỉnh, haik mênhx: Trung tâm taz tov tsik tsês đros têx đơn vị cik txos, kriz têx jias kria pâuz têx tsưr ziv yiaz, paz têx ziv nênhs, HTX, tsêr luôv cxaz nzir tsưr ziv uô luôv số, lar haik tsưr ziv livestream thiaz muôs huv sâuv têx cxênhx cxênhv uô luôv điện tử. Đhâu no cxaz nzir ntâu jias chia trâu têx đơn vị kriz đar tsưr ziv uô nox, hlôngr yiaz tsưr ziv siz tưr uô lax luôv thiaz huôv tsar bê lax luôv truôx njês.

Txix hâux lưv hlôngr yiaz tsưr ziv kria pâuz, muôs huv, têx ziv nênhs, HTX, tsêr luôv ntơưv Sơn La taz tov moz siaz tik bê, siz txuôk cêr lax luôv. Chuôz zênhx số taz tov zos qơư chuôz zov chênhr paz kôngz txir nox thax tsav tâu kria pâuz đêz đar, hlôngr yiaz kror muôx gri thiaz fiv huv, paz tâu tiz nênhs zuôr huv siaz nhiav.