Zơưs Bùi Việt Cường, Chủ tịch UBPX xã Mường La, thav tiak: Yênhx shông xã đros tsêr luôv, qơư choz kria thiaz têx cơ quan tâu chai kriz, kria nuv uô thiaz xav têx cêr uô nuv fiv huv yênhx paz uô nuv. Đros têx cêr chai nhiax txiax Têz qơư, xã tưz siz nzuôs muôx liv ntâu cxiax cxênhv li cxiv kho jêx jok yiaz, cxuz cêr pluôs truôx njês, huôv vav nhiax txiax - xã hội thax tsav pêx xênhv nênhs tsơưs thiaz tox siaz, gruô hu nhiax paz chia cê choz kria uô nuv, cê paz pêx xênhv tâu txaik nhiax chos nôngz kôngz, zuôr nôngz tsiax zus đros trâu cơưv tsưr ziv khưr.

Chuôs cov pov njôngr nênhs uô nuv thiaz nênhs zuôr uô nuv, xã Mường La tưz kriz Hnuz gruôv pax kria cơưv uô nuv thiaz kria nuv uô shông 2025,muôx 15 luz tsêr luôv lox, khov zuôr nênhs chôngz, nhiax txiax paz jông, li Công ty TNHH Công nghiệp Brother Việt Nam; Công ty TNHH Jinko Solar Việt Nam; Công ty TNHH Yazaki Hải Phòng Việt Nam...

Zơưs Nguyễn Xuân Giang, nênhs hlôngr Công ty TNHH Yazaki Hải Phòng Việt Nam, thav pâuz: Pêz lok sik kruôk têx nênhs uô nuv hluôs, gruôs thiaz muôx pênhr xưv uô sai nuv ntơưv Mường La. Công ty taz tov khov li 1.500 tus nênhs uô nuv. Nênhx uô nuv tâu nhiax txix 8-13 triệu đaiv/hli, muôx tsêr nhoz, yêz thâux muk lok,bluôk nox tsik zuôr nhiax thiaz cxix cxuô nhiax bảo hiểm.

Tix lâus Tòng Văn Hưng, jok Pi Tạy, thav pâuz: Cur tâu kria ntơưv Hnuz gruôv pax uô nuv thiaz quyết định muôz ntâuz ntơưr trâu Công ty Seojin Việt Nam. Nhiv no cur sâu tâu nhiax li 18 triệu đaiv/hli, cur ziv nênhs ntu nênhx tâu jông jux juk, tu saiz niav txir, mê nhuôv cơưv ntơưr.

Chia têx nênhs uô nuv txơưx, xã Mường La đros têx yar cơưv cao đẳng, trung tâm kria uô nuv kriz lớp kria nênhs trơưk ntơưr tênhv huv, chok nxiak nênhs cơưv tas muôx hâux lưv uô. Nhiv no, hâur thax tsav muôx 3.184 tus nênhs muk uô nuv ntơưv têx thax công nghiệp luôs tỉnh; jê 300 tus nênhs muk uô nuv luôs oz chas têz. Sâu nhiax siz bâus ntơưv nênhs uô nuv ntơưv têx thax công nghiệp tâu txix 10 - 15 triệu đaiv/hli.

Iz chas ntơư, xã Mường La cux saiz hloz tso nênhs muk uô nuv luôs oz chas têz, đros Trung tâm Nuv uô tỉnh thiaz têx tsêr luôv tso nênhs muk uô nuv luôs têz qơư chia kria mông cxix cxuo, zos lok sâuv cêr khov nênhs têz qơư Nhật Bản, Đài Loan, Hàn Quốc, Trung Đông. Nênhs uô nuv tâu kria, tơư cxix cxuô, txix xair cêr cơưv, choz kria luk luôs oz chas têz txos paz txaik pênhr xuz paz. Nhiv no, xã taz tov đros Công ty CP Zuôr nênhs uô nuv luôs têz qơư lax luôv thiaz nuôv zax (Hà Nội) kriz lớp choz kria luk luôs têz qơư ntơưv thax tsav; nênhs uô nuv txaik pênhr Tsêr nhiax CSXH txix nhiax nju tsơưs. Đros ntơư, saiz hloz choz kria, txuôk chuôs zuôr nênhs thiaz paz pênhr uô nox đhâu cxiax cxênhv “Paz hâux lưv uô, lês trơưr thiaz kriz đar nuv uô”. Txos nhiv,yênhx puô nênhs uô nuv tưz tâu chuôs pênhr xuz paz, kriz đar qơư uô tơưv uô luôv zâu, sâu tsar nhiax ntơưv qơư.

Txix kror paz max siz luôs ntơưv cấp ủy, nov hâu xã, côngz xưv paz nuv uô ntơưv Mường La uô tâu pov mênhx, tiv tsôngv nênhs uô nuv muôx hâux lưv uô truôx njês tsar tuôx; ntâu ziv pluôs jê cêr pluôs, txix jê cêr pluôs khưr tâu bluô nux tiv uô nuv ntơưv têx thax tsav công nghiệp lok sik luôs têz qơư. Cêr nox nhoz, chia siaz ntơưv jêx jok tâu kho nzir, siz chos cxơưz paz huôv vav nhiax txiax - xã hội thax tsav.