Tov kaz sâu uô cê, xã Mường La đar, tox trôngz lax muk lok, kuôk thair tiv têx trôngz siaz thiaz thax tsav đêx tênhs sông Đà. Xã tưz chox car têx phòng tâu cơưv đros yuôx têx công trình jông jêx jok taz tov lês; đros ntơư tsik so yuôx, sox cêr uô lês; uô tiar ntơưr trâu têx công trình tưz tso chai lês.

Shông 2025 txos nhiv no, thax tsav xã tưz fuô lês 6 công trình, dự án xav nhiax cxiv tsa 19,7 tiv đaiv. Têx công trình uô zov chênhr zos cêr yêz, đêx nox hâuk thiaz thax txar 48 zis pêx xênhv mul nhoz yiaz viv mas ntux nas hiav ntơưv jok Nà Chá. Hâur ntơư, xã tưz lênhv bê tông cxaz 3,3 caik cêr yêz, xav tas hur si 4,5 tiv nhiax, hâur ntơư Têz qơư paz jê 750 triệu đaiv, pêx xênhv paz yax 3,7 tiv đaiv. Txos nhiv no, 49/54 txox cêr txix đrôngs xã txos jok lênhv truôx khor. Đros ntơư, cxuô txox cêr tâu kho tsik so, cov chok nxiak yêz muk lok thôngz trơưr, paz cêr muk lok, thâuv huv ntơưv pêx xênhv.

Ntơưv jok tox siaz Huổi Hốc, txox cêr muk trâu jok ntêr 1,3 caik nhuôv kruôr lênhv bê tông truôx khor paz pêx xênhv muk lok zôngx ziv đuô. Kror qơư tâu cxiv puôz 3,5 tiv nhiax, txix pênhr ntơưv têz qơưk hâux lưv huôv vav nhiax txiax - xã hội thax tsav pêx xênhv nênhs tsơưs thiaz tox siaz ntu 2021-2025. Tix lâus Quàng Văn Păn, jok Huổi Hốc, thav tiak: Thâuv ntêx zos cêr ar, yar ntux mak nqo pa, lok nas ho gok njuôr, bluô blênhr. Luz 12/2025, txox cêr tâu lênhv bê tông truôx khor, pêx xênhv hâur jok lênhx tưs cux jông siaz thiaz uô tsâus Đảng, Têz qơưk tưz moz siaz, paz max.

Hok ntơưv jok Hốc, cưx đêx tso uô kôngz kuz nhoz trâu qơư tsik tiax tuk, ntâu ntu nxaz, đêx ntưk lok trâu qơư uô kôngz tsik txâuk. Shông 2025, jok tâu paz 700 triệu nhiax kho đuô, tâur njưs thiaz uô cưx yiaz, li ntơư đêx tưz txâuk uô kôngz. Muôv Lò Thị Lương, jok Hốc, shir phaz thav: Têx shông đrav ntêx tsênhv sir zôngv cưx đêx kuz, đêx lok uô liax tsơưs, blêx hloz huôv tsik siz luôs. Shông no muôx cưx liax yiaz, đêx ntâu, cur ziv nênhs thiaz pêx xênhv hâur jok lok sik jông siaz, tok nrư shông no zuôr tâu chiv blêx ntux yiaz sâu nju.

Iz chas têx nuv uô tâu, têx zav jông jêx jok ntơưv Mường La tsênhv chor nhov. Iz cxia cêr muk thôngz jêx jok, đruôz jok ntơưv têx jok: Nong Bẩu, Púng Quài, Nà Trà, Hua Piệng, Hua Đán tsik tâu lênhv truôx khor; ntâu txox cêr tưz puôk tsuôx, muk lok txov nhêv trâu chai ntux nas. Iz cxia qơư tâur đêx uô kôngz puôk tsuôx, tsik txâuk đêx trâu chaix ntux kruôr; ntâu thax qơư pêx xênhv nhoz zuôr nziv poz cxuz khov txar qơư. 

Zơưs Nguyễn Chí Thanh, Phó Chủ tịch UBPX xã, thav pâuz: Xã tror yuôx, xuz xav nhiax trâu têx hâux lưv zov chênhr; nzuôs têx cxiax cxênhv, dự án chia yôngv siaz txiax njis cxiv tsa. Tsik tsês côngz xưv fuô kria, zaz zâuv thiaz lês kriz lus, mênhx pêv têx chai nhiax txiax thêv, paz têx ziv pêx xênhv hâur côngz xưv yêv qơư đo fuô lês dự án. Xair nênhs ntiar uô txâuk pênhr xưv, tsưr ziv; tsik so cxênhz yuôx, sox njôngr cêr lês, cêr uô. Yôngv siaz txiax njis côngz xưv saiz car, tso lês, kho, saiz công trình tov kaz cxiv tsa.

Têx sir jos cxiv tsa thiaz huôv tsar zav jông jêx jok ntơưv xã Mường La taz tov paz cxơưz tâu jông, siz chos đơưk cêr chor nhov thôngz muk lok, uô kôngz thiaz nox nhoz ntơưv pêx xênhv, cxơưz paz huôv vav nhiax txiax - xã hội, txo cêr pluôs truôx njês zuk thax tsav, siz chos cxơưz pêx xênhv ntơưv no luz cêr uô nênhx truôx njês.