Ntux nas tưz nhaz thiaz poz 50 ziv pêx xênhv ntơưv têx xã Mường Bú, Mường Chùm, Hua Trai, Nậm Giôn, Chiềng Hoa, Nặm Păm, Chiềng Ân; poz jêz ntos trâus 1 tus nênhs; yax 80 ha kôngz lông, ntông nox txir, pak njêk mas đêx cuôr, poz; poz tas ntâu ntu cêr xã, cêr jêx jok. Ban Chox car phax tar ntux nas hiav, nriar chơưv nênhs, huôv chuôz tav huyện Mường La tưz cxiz têx paz nênhs muôx vax huôv thiaz têx cxiz nênhs cias ntơưv qơư paz pêx xênhv ntơưv têx xã mas ntux nas hiav, yêv nênhs thiaz chuôz tav muk trâu qơư nhaz xênhz. Txos hnuz 26/7, têx tuz lênhv, dân quân tự vệ tưz paz pêx xênhv cxuô xã đơưk têx cêr phiv liv tiv đêx nas hiav, tu vax tsê trâu pêx xênhv cov tror uô nênhx truôx njês.

Hâur jias ntux lok nas đhâu, muôx ntâu lênhx siaz tơưr, muk chơưv têx nênhs đêx cuôr. Thâuv sơưr nzor hnuz 24/7, thâuv muk cxênhz yuôx, njuôk tsov ntux nas, têx công an, tuz lênhv thiaz dân quân tự vệ xã Mường Bú tưz pov 5 tus pêx xênhv nhoz hâur đruôz đraz đêx taz tov huôv. Đại úy Lò Văn Chiến, Lưv Thơưx Công an xã Mường Bú thiaz tix lâus Quàng Văn Hoán, nhoz jok Mường Bú tưz zôngv thôngz trox ntôngk, plaz los yêz ô tô uô luôv muk chơưv, chox têx nênhs sâuv trâu sâuv ntus nhaz xênhz lus.