Ntơưv têx yar cơưv, thơưx car phường tưz uô têx cán bộ, cưk kria ntơưr tsâus ntâu viv tưz sir jos hla đhâu cêr txov nhêv, paz hlôngr yiaz hâux lưv choz kria ntơưr ntơưv thax tsav. Đros ntơư, xar cov têx cưk kria tror uô tiar phênhv shuôv, hlôngr yiaz muôx phaz nzưr hâux lưv kria thiaz cơưv ntơưr. Nênhs hlôngr njêx muôs têx yar cơưv tưz uô kror moz siaz ntơưv cấp uỷ, nov hâu phường tsâus ntâu thiaz nhav nxiak tror siz chos lês ntov nti, côngv têk cxiv tsa hâux lưv choz kria ntơưr zênhv hnuz zênhv muôx kaz hâu, pâuz siz hluz siz paz.

Cux zos jias no, Yar cơưv Mầm non Tô Hiệu, phường Tô Hiệu tưz nthuôr cxiax cxênhv cêr lov jêv saiz hloz đros trâu muôx ntâu jax cưr cxiax, sênhr chêr jông zos shuv xênhz thiaz sinh viên Yar cơưv Đại học Tây Bắc taz tov cơưv shâuv hâur yar cơưv siz chos nthuôr. Têx jax cưr cxiax, sênhr chêr tưz tâu uô jông bax cxix cxuô, gra tuôx cêr shir phaz, sor siaz ntơưv shuv xênhz krưr trâu têx cưk kria ntơưr.