Iz chas hâux lưv njuôk kho moz, ngành Y tế cux phax tar moz thiaz tsưx hưv cêr nyiaz hur. Cxuô qơư njuôk kho moz puôr lênhx uô jông sâu khâuz nhaz, nhiak trâu nhiak trơưk chai. Iz chas ntơư, trâu siaz njo sox car ntov thiaz kria pêx xênhv por hưv têx hâur đêx thâuv ntux nas, đêx huôv đhâu, tsưx hưv đas jos trâu sơưr đơưk.

Nhiv no, Trạm Y tế xã Mường Sại muôx 12 tus cán bộ, cưk kho moz. Lês têz qơưk luôs haux lưv njuôk kho moz, txix hâu shông txos nhiv no, Trạm tưz njuôk, kho moz, phaiz yuôx trâu 3.000 lưv nênhs, phênhv ntâu zos têx zav moz zâu, li: Cuz, uô khâuz thuôv, cxơưk njưs, trơưk plaz... Tsik tas li, Trạm tsênhv trâu siaz fuô kria pêx xênhv phax tar moz khâuz thuôv trơưk chaix, tsưx hưv têx kar hno cov hur, lês ntov chai toz hâu nênhs, zus mê nhuôv tsơưs; cxax yuôx phax tar moz trâu mê nhuôv zâuk trơưk đraiv chai...