Trơưk ntơư, hâur luz 7 hli, hâur thax tsav tỉnh tưz pov yưv coz nas hloz siz lơư lias, uô trâu đêx cuôr, đêx nhaz thiaz ar poz cxuz iz cxia xã, phường. Lar haik txix hnuz 16 txos 17/7, ntâu kror qơư tưz lok nas hloz, li: Nậm Păm (xã Mường La) 314 mm, Tsêr máy tênhz đêx Nậm Chiến (xã Ngọc Chiến) 223 mm, Hua Trai (xã Chiềng Lao) 207,2 mm, ruôr hiav pêx xênhv vax tsêr, chuôz tav thiaz ntâu txox cêr ar poz cxuz, muk lok tsik tâu. Tsov xav txix nhiv no txos hnuz 19/7, hâur thax tsav tỉnh tror lok nas hloz, uô trâu đêx nhaz, đêx cuôr thiaz ar poz cxu.

Chủ tịch UBPX tỉnh cxiz cov cxuô sở, ban, ngành, UBPX cxuô xã, phường zênhx max fuô lês têx tsưr ziv tir tar, uô trơưk ntov nti njiaz luk "4 cias ntơưv qơư"; sox njôngr ntov nti ntux nas, jor trơưr hâur yênhx hnuz cxuô hmo, bax cxix cxuô tiz nênhs, chuôz zênhx, yuôx hâuk, cxur nox, đêx hâuk uz no chia tir tar zênhx max têx kror yưv siv. Cxênhz yuôx têx thax tsav muôx pêx xênhv nhoz chôngz, thax tsav nziv đêx nhaz, đêx cuôr, ar poz cxuz chia nzor yaik muk nhoz qơư nhaz xênhz; tsik so cxênhz yuôx, kria pâuz tsav yêz muk lok nhaz xênhz trâu têx qơư đêx hla qox, đêx nhaz, thax tsav nziv ar poz cxuz; tsik tso tiz nênhs muk đhâu têx qơư muk lok tsik nhaz xênhz. Đros ntơư, gruô hu têx zav pênhr đơưk cêr phiv liv tiv ntux nas hiav, nzor cxiv kho tâu têx txox cêr, điện, đêx thiaz têx kror zov chênhr paz trâu pêx xênhv nzor uô nênhx truôx njês.

Zok trâu Sở Kôngz kông thiaz Môi trường chox car sox njôngr, kria pâuz ntux yar ntux nas, zênhx max saz lax trâu UBPX tỉnh chox car tir tar; cxênhz yuôx, kria pâuz têx thax tsav fuô lês ntov nti côngz xưv tir tar ntux hiav, por hưv nhaz xênhz têx njưs tâur đêx, pak đêx tâur thiaz sâu tsês cxix cxuô têx kror mas coz nas hloz hiav, thor tso tơưv têx tsưr ziv đơưk cêr phiv liv. Sở Cxiv puôz tso tơưv tsưr ziv por hưv tsav yêz muk lok thôngz plơưk; Sở Công Thương chox car por hưv jông xor hluô điện thiaz têx pak đêx tâur tsêr máy tênhz đêx nhaz xênhz; Bộ Chỉ huy Quân sự tỉnh, Công an tỉnh bax tiz nênhs, chuôz xênhx paz chơưv tiz nênhs; têx cơ quan sâu xor fuô luk tsik tsês tso tơưv xor mông, kria pêx xênhv pâuz tir tar, sox njôngr coz nas hloz. Ban Chỉ huy Phòng thủ dân sự tỉnh jor trơưr hâur yênhx hnuz cxuô hmo, sox njôngr coz nas hloz, tso tơưv tsưr ziv saz lax, cxiz njôngr têx thax tsav fuô lês cxuô hâux lưv phax tar, paz txo grêk tsơưs têx txuz coz nas hloz hiav.