Muk txos trâu ntơưv Trung tâm Paz uô ntâuz ntơưr hành chính phường Tô Hiệu, cias thâuv sơưr nzor tưz muôx chôngz lênhx pêx xênhv tuôx uô ntâuz ntơưr. Tưz tsik tas sơưr tok ntâu, tưz muôx Robot Misa Agent Work nhoz cias ntơưv kror trôngx paz pêx xênhv zôngx ziv nus chia uô ntâuz ntơưr cov tâu zênhx max.

Zơưs Bùi Trung Dũng, Phó Giám đốc Trung tâm paz uô ntâuz ntơưr hành chính phường Tô Hiệu, thav pâuz: Robot Misa Agent Work tưz paz kria têx tsưr ziv trâu pêx xênhv đhâu luk haik. Tâu cxiv tsa 5.000 jax luk nus cik txos têx ntâuz ntơưr têz qơưk, thâuv pêx xênhv nus, Robot zênhx max têz cov zos; kria pêx xênhv uô ntâuz ntơưr sâuv Yôngx uô ntâuz ntơưr Têz qơưk. Iz chas ntơư, Robot tsênhv kria cov pêx xênhv uô ntâuz ntơưr tâu zos, paz txo tsơưs hâux lưv trâu têx cán bộ, công chức ntơưv qơư uô hâux lưv iz luz kror trôngx.

Tâu phường Tô Hiệu muôz lok zôngv txix hli 1/2026, Robot Misa Agent Work tưz paz yax 11.000 lưv pêx xênhv, txo tsơưs six hơưv uô ntâuz ntơưr, cxiv tsa nov hâu số, qơư lês hâux lưv tâu jông. Nhiv no, Trung tâm uô ntâuz ntơưr hành chính phường Tô Hiệu taz tov fuô lês 394 zav ntâuz ntơưr sâuv mạng. Hâur 3 hli hâu shông 2026, tưz uô tâu 2.349 ntâuz ntơưr, 100% lês tiar uô ntêx hnuz nhôngs tênhv.

Hok saz choz kria ntơưr, khoa học công nghệ cux lês tâu ntâu zav jông. Lês trơưk Nghị quyết số 57-NQ/TW hnuz 22/12/2024 ntơưv Bộ Chính trị, Sở Choz kria ntơưr Sơn La tưz fuô lês Đề án cxaz nzir pênhr xưv sir zôngv tin học txâuk chai ntiax têz trâu têx shuv xênhz phổ thông ntu 2025-2035, kriz đar tsưr ziv chia fâuv hluôs pâuz sir zôngv têx tsưr ziv yiaz cias thâuv tsênhv cơưv hâur yar cơưv.

Hâur shông cơưv 2025-2026, hur si tỉnh tưz muôx zuôr luôs 3.000 cán bộ saiz car, cưk kria tâu kria nzir tsưr ziv sir zôngv AI thiaz công nghệ thông tin lok choz kria ntơưr. Yênhx cxênhz lênhx cưk kria tâu kria nzir tsưr ziv sâuv mạng chia cxiv tsa tsưr ziv choz kria ntơưr fiv huv hâur ntu nênhx 4.0; 100% cán bộ, cưk kria hâur hur si ngành tâu kria nzir tsưr ziv sir zôngv số.

Zơưs Nguyễn Văn Chiến, Giám đốc Sở Choz kria ntơưr haik pâuz: Đros trâu hâux lưv cxaz nzir pênhr xưv số, Sở tưz chox car têx yar cơưv hâur hur si tỉnh fuô lês jông Luôs hâux lưv choz kria ntơưr STEM; muôz nhiax zuôr ntâu zav chuôz zênhx hông li: AI, IoT, Robotics... chia paz max lês hâux lưv choz kria ntơưr. Yax hlo, hâur shông 2025, Tập đoàn Công nghiệp Petrovietnam tưz fuô lês luôs hâux lưv STEM Innovation Petrovietnam paz cxiv puôz 3 qar cơưv STEM txâuk chai têz qơưk trâu têx yar cơưv: THPT Chuyên Sơn La, THCS Chu Văn An (xã Sông Mã) thiaz Yar cơưv THPT Thuận Châu (xã Thuận Châu), hur si nhiax tas yax 10 tỷ đaiv nhiax, paz shuv xênhz pâuz sir zôngv tsưr ziv cxiv tsa code, robotics, cxaz nzir tsưr ziv lês hâux lưv hâur ntu nênhx hlôngr pâur số nhiv no.

Hâur ntu đhâu, saz khoa học, công nghệ thiaz hlôngr pâur số tâu tỉnh Sơn La fuô lês cxix cxuô, ntov nti đros trâu cêr tuôr xav hlôngr pâur số cxix cxuô thiaz cxiv tsa qơư lês hâux lưv paz max cxuô lênhx pêx xênhv. Ntâu faz tsưr ziv tưz paz max chia huôv tsar nhiax txiax - xã hội. Xav txos nhiv no, Công an tỉnh tưz cxênhz hur si 1,3 triệu lênhx nênhs nhoz hâur thax tsav, 41.000 lênhx nênhs nhoz kror qơư txơưr tuôx nhoz iz ntu hâur thax tsav tỉnh; 100% tài khoản ntơưv cán bộ, công chức, viên chức tâu cxaz nzir ntâuz ntơưr thiaz tâu muôz tso sâuv qơư tsês ntâuz ntơưr têz qơưk. Hâux lưv uô ntâuz ntơưr sâuv mạng zênhv hnuz zênhv lês tâu jông, đros trâu 2.198 zav ntâuz ntơưr tâu muôz tso sâuv qơư lês hâux lưv têz qơưk, hâu ntơư muôx 1.031 ntâuz ntơưr tâu uô hur si sâuv mạng. Nhiax txiax số huôv tsar tâu jông txix li hâux lưv moz siaz thêv nhiax tsik sir zôngv nhiax txơưr, hóa đơn điện tử, thêv sê điện tử. têx zis nênhs muôx xor tôngx tâu 96,39%; têx zis nênhs muôx mạng tâu 80,6%; têx nênhs tâu sir zôngv Internet hur si tỉnh tâu 65,4%.

Khoa học công nghệ, hlôngr pâur số tâu fuô lês đêz đar tưz paz zov chênhr trâu hâux lưv huôv tsar nhiax txiax - xã hội. Hâur 3 hli hâu shông 2026, txix li moz siaz sir zôngv khoa học công nghệ thia hlôngr pâur số, Sơn La tưz huôv tsar nhiax txiax tâu 9,76%, sơưr tiv 1 hur si 9 tỉnh thax tsav ntar jas thiaz Kâuv têz, sơưr tiv 8/34 tỉnh, thành phố hur si têz qơưk. Txix li têx tsưr ziv lês cxix cxuô, ntovv nti, fiv huv, khoa học, công nghệ thiaz hlôngr pâur số zuôr tror zos qơư chuôz jos zov chênhr, paz tỉnh huôv tsar sai, truôx njês, fiv huv chia đros oz chas têz siz khov hâur ntu nênhx hlôngr pâur số.