Zơưs Nguyễn Hồng Quân, Chủ tịch Hội paz têx nênhs trâus yuôx tuô đrox/dioxin tỉnh, haik mênhx: Cxiv tsa luz 4 hli shông 2018, txos nhiv no, Hội muôx 9 chi hội nhoz têx huyện, thành phố, đros trâu 457 hội viên. Fuô lês njiaz luk “Thôngx siaz- siz hluz- uô tiar phênhv shuôv- Viv têx nênhs trâus yuôx tuô đrox luz nênhx”, Hội por hưv têx nênhs trâus yuôx tuô đrox/dioxin vax huôv, luz nênhx tâu jông thiaz nênhs hlôngr njêx muôs trâu hội viên tưz đros têx paz pơưs, tus khênhx hâur tỉnh thiaz oz chas tỉnh siz chos uô hâux lưv; txaik nhav têx nhiax paz ntơưv cxuô paz pơưs, tus khênhx puz trâu hội viên chia cxiv tsa luz nênhx truôx njês.

Nhiv no, 100% hội viên tâu paz nhiax nox hâur yênhx hli, hâur ntơư, 281 lênhx trâus yuôx tuô đrox ruôr hiav thiaz 173 lênhx zos têx nênhs trâus yuôx tuô đrox hâur ntu tir ntâuk tros mê nhuôv. Iz chas ntơư, Hội tsênhv đros Hội CCB tỉnh, cxênhz yuôx, pâuz mênhx hội viên luz nênhx. Ndax trâu têx hnuz grâuv pax so tsiaz, têx cấp, ngành, đoàn thể, paz pơưs, tus khênhx tưz muk shuôk, krưr huv trâu têx ziv nênhs hội viên, lar haik hội viên muôx luz nênhx txov nhêv. Txix shông 2018 txos nhiv no, têx cơ quan, đơn vị, tsêr luôv, têx nênhs siaz jông tưz pazcxiv kho, uô yiaz ntâuz luz tsêr trâu hội viên; puz yêz đor têk, yo tir no, krưr nhiax cơưv ntơưr, muk shuôk hội viên thâuv muôx moz, xav hur si 1,4 tỷ nhiax. Hâur ntơư, Trung ương Hội paz têx nênhs trâus yuôx tuô đrox cxiv kho, uô yiaz 7 luz tsêr siz hluz, krưr 75 hnaz huv, 45 luz yêz đor têk thiaz 2 poz nhiax cơưv ntơưr, nhoz hâur Dự án “Njênhs njôngr trâu nôngz nênhs” zos Pênhr paz têx nênhs trâus yuôx tuô đrox Việt Nam paz, xav hur si 218 triệu nhiax.

Shông 1973-1974, zơưs Lò Văn Quốc, jok Thái Cóng, xã Phổng Lăng, huyện Thuận Châu muk tir ntâuk tros trâu kaz têz tưz trâus yuôx tuô đrox. Yênhx châuv shông đhâu, zơưs tưz tưx zuk chưx moz tiv yuôx tuô đrox hiav. Zơưs Quốc haik kria: Cur muôx 1 tus tuz truôv tiv mas yuôx tuô đrox hiav. Yênhx hli, tưz tâu paz yax 2 triệu nhiax, tus tuz tâu paz 1,6 triệu nhiax. Tsik tas li, têx hnuz grâuv pax, so tsiaz tsênhv tâu cấp ủy, nov hâu moz siaz, ntuôk, muk shuôk, krưr huv, paz cur cxaz nzir đas jos hla đhâu têx txov nhêv.

Nhiv no, hâur thax tsav huyện Yên Châu muôx 74 lênhx trâus yuôx tuô đrox/dioxin, hâur ntơư 49 lênhx mas yuôx tuô đrox hiav thiaz 25 lênhx zos lơưr têx mê nhuôv. Zơưs Nguyễn Quý Đôn, Chi hội trưởng Chi hội paz têx nênhs trâus yuôx tuô đrox/dioxin huyện, kria pâuz: Tâu cxiv tsa shông 2020, Chi hội zos qơư chia ptrâu hội viên siz njiz, kria pâuz thiaz côngv paz hla đhâu cêr moz tiv yuôx tuô đrox hiav. Yênhx shông, iz chas kriz têx jias muk shuôk, ntuôk hội viên muôx moz, krưr huv ndax trâu têx hnuz grâuv pax, so tsiaz, Chi hội tsênhv paz hội viên muôx luz nênhx txov nhêv huôv tsar nhiax txiax, kria pâuz sir zôngv têx chuôz zênhx jông lok huôv tsar kôngz lông, paz hội viên ziv nênhs sâu nju nhiax txiax, cxiv tsa luz nênhx hlôngr yiaz.

Taz sik, hâux lưv paz cêr chai trâu nênhs trâus yuôx tuô đrox tsênhv njiz ntâu cêr txov nhêv, tiv zos tsik muôx txâuk ntâuz ntơưr, lok sik pôngz tas ntâuz ntơưr; nhiax paz tsuôk zos tok nrư trâu têx paz nênhs, tus khênhx siaz jông côngv paz…Viv li, Hội lok six xar tâu cxuô cấp, cxuô ngành, thax tsav moz siaz paz nhiax pênhr trâu côngz xưv Hội; pêx xênhv sơưr đơưk tror paz trâu têx nênhs trâus yuôx tuô đrox, cxaz nzir đas jos paz lơưr nzor hla đhâu cêr moz, txov nhêv hâur luz nênhx./.