Ntu 2020-2024, tỉnh Sơn La muôx 1.114 lênhx nênhs muk uô hâux lưv trâu oz chas têz trơưk ntâuz ntơưr chos luk ntơưv: Nhật Bản, Đài Loan, Hàn Quốc… Têx hâux lưv phênhv ntâu zos saz: Kôngz lông, cxiv puôz... Sâu nhiax fênhx đraz tâu 25-35 triệu đaiv/nênhs/hli. Xav hâur shông 2025, hur si tỉnh muôx yax 240 lênhx nênhs muk uô hâux lưv trâu oz chas têz trơưk ntâuz ntơưr chos luk.

Mường Khiêng zos iz hâur têx xã muôx chôngz lênhx nênhs uô nuv muk uô hâux lưv trâu oz chas têz. Zơưs Lò Văn Định, Phó Chủ tịch UBPX xã Mường Khiêng, haik pâuz: Hâur têx shông đhâu, xã tưz moz siaz siz khov đros têx cơ quan muôx vax huôv, tsêr luôv kriz fuô kria, chos luk muk uô hâux lưv trâu oz chas têz ntơưv têx jêx jok. Txos nhiv no, xã muôx 29 lênhx nênhs taz tov uô hâux lưv trâu oz chas têz: Nhật Bản 17 lênhx, Đài Loan 2 lênhx, Nga 9 lênhx, Trung Quốc 1 lênhx. Hâux lưv muk uô nuv trâu oz chas têz, paz trâu ntâu zis nênhs tơưv đhâu cêr pluôs, muôx nhiax uô vax tsê yiaz, luz nênhx tâu jông đuô.

Zơưs Lò Văn Păn thiaz pos Cà Thị Hói nhoz trâu jok Lót Măn, xã Mường Khiêng zis nênhs muôx oz tus mê nhuôv muk uô hâux lưv trâu têz qơưk Nhật Bản. Zơưs Lò Văn Păn haik pâuz: Trơưk cêr chai cxơưz paz têx nênhs uô nuv muk uô hâux lưv trâu oz chas têz trơưk ntâuz ntơưr chos luk, tưz tâu txaik 120 triệu đaiv/nênhs txix li Tsêr nhiax Chính sách xã hội. Tov kaz cơưv tâu luk, hli 3/2025 tuz nhaz tưz muk trâu têz qơưk Nhật Bản uô hâux lưv, txos hli 7/2025, tuz cux tâu muk uô hâux lưv trâu Nhật Bản lơưv. Nhiax hli tâu txix 30-40 triệu/nênhs/hli. Yênhx hli, têx mê nhuôv cux xa tâu 40 triệu đaiv lok trâu tsêr. Txos nhiv no, zis nênhs tưz thêv tas nhiax trâu tsêr nhiax; muôx nhiax tu zus 2 tus tuz xênhz nzưr cơưv ntơưr; uô tsêr yiaz thiaz tsês tâu nhiax, chia cov tov kaz no têx mê nhuôv lok thiax muôx pênhr uô nox, uô hâuk.

Nhiv no, hur si tỉnh muôx zuôr luôs 805.000 nênhs muôx txix 15 shông tror sâur, hâur ntơư, 771.000 lênhx nênhs muôx pênhr xưv lês hâux lưv; têx nênhs uô nuv tâu choz kria tâu 63%; 28% têx nênhs uô nuv muôx ntâuz ntơưr, chứng chỉ. Chia cxơưz paz têx nênhs uô hâux lưv, hnuz 14/10/2025 UBPX tỉnh tưz tso tơưv Đề án số 2553 lok sâuv hâux lưv chox têx nênhs uô nuv muk uô hâux lưv trâu oz chas tỉnh trơưk ntâuz ntơưr chos luk ntu 2025-2030. Đề án sir jos, ntu 2025-2030 paz tâu 5.000 lênhx nênhs uô nuv muk uô hâux lưv trâu oz chas têz; 100% têx nênhs uô nuv puôr lênhx tâu kria luk oz chas têz uô ntêx zuôr muk uô hâux lưv; 100% xã, phường ntơưv tỉnh muôx nênhs muk uô hâux lưv trâu oz chas têz; tsơưs yax 70% lênhx nênhs tov kaz lok trâu têz qơưk muôx hâux lưv uô truôx njês.

Fuô lês Đề án số 2553/ĐA-UBPX, xã Mường Khiêng tưz moz siaz fuô kria txos trâu têx jêx jok; cxênhz, sâu mênhx pê têx nênhs xar muk uô hâux lưv trâu oz chas têz; siz khov đros têx đơn vị muôx vax huôv fuô kria tsưr ziv uô nuv, kria luk oz chas têz uô ntêx zuôr muk uô hâux lưv trâu têz qơưk txơưr. Zơưs Nguyễn Đức Thuận, Phó Trưởng phòng Txux chi-Xã hội, xã Mường Khiêng, haik pâuz: Shông 2026, xã sir jos chox 48 lênhx nênhs muk uô hâux lưv trâu oz chas têz; 100% têx nênhs uô nuv tâu choz kria luk oz chas têz uô ntêx zuôr muk uô hâux lưv trâu têz qơưk txơưr; tsi njênhk chia cov têx nênhs uô hâux lưv lês trơưk đraiv cêr chai têz qơưk Việt Nam thiaz cêr chai ntơưv têx têz qơưk muk uô hâux lưv.

Haik txos xã Chiềng La, Ban Chấp hành Đảng bộ xã tưz tso tơưv Nghị quyết lok sâuv tso tơưv Cêr tuôr xav moz siaz lês jông côngz xưv chox têx nênhs uô hâux lưv hâur thax tsav xã muk uô nuv trâu oz chas têz trơưk ntâuz ntơưr chos luk ntu 2025-2030. Zơưs Lò Văn Ngân, Phó Chủ tịch UBPX xã haik pâuz: Ntu 2025-2030, xã sir jos chox 80 lênhx nênhs uô hâux lưv muk uô nuv trâu oz chas têz trơưk ntâuz ntơưr chos luk, tâu 100% chỉ tiêu tỉnh zok. Chia cov lês tiar têx cêr tuôr xav tưz tso tơưv, xã zuôr siz khov đros têx Công ty fuô kria xair nênhs muk uô hâux lưv trâu oz chas têz muk txos cias trâu têx jêx jok chia fuô kria cov zok nriar tâu hâux lưv uô fiv huv pênhr xưv. Iz chas ntơư, xã zuôr paz txaik nhiax thêv nhiax tsav liv tsơưs; moz siaz saiz car têx nênhs uô hâux lưv uô ntêx zuôr muk, thâuv muk uô hâux lưv, tov kaz uô hâux lưv trâu oz chas têz, cxơưz paz lês tâu jông Đề án số 2553/ĐA-UBPX fiv huv, truôx njês.

Đros thơưx car xã Chiềng La muk shuôk pos Lò Thị Xoan, hair nênhs La Ha, nhoz trâu jok Bó Mạ, xã Chiềng La zis nênhs taz tov muôx mê nhuôv muk uô hâux lưv trâu têz qơưk Nhật Bản. Pos Xoan haik: Hli 12/2024, cur tus mê nhuôv muk uô hâux lưv trâu Nhật Bản. Thơưx luz hli tâu 15 triệu đaiv. Tov kaz ntơư tâu 20 triệu đaiv/hli; fênhx đraz, yênhx hli xa tâu 7-8 triệu nhiax lok tsêr. Tov kaz tas hnuz nhôngs uô hâux lưv ntơưv Nhật Bản, xar cov têz qơưk paz nhiax chia cur tus mê nhuôv tâu cơưv nzir tsưr ziv chia tror muk trâu Nhật Bản uô hâux lưv cov tâu nhiax hli siaz đuô.

Txuôk nzir pêz muk shuôk zơưs Lò Văn Đỉnh, nhoz trâu jok Bó Mạ zis nênhs. Tâu pâuz, nưk tus mê nhuôv tưz lês tiar hâux lưv por hưv têz qơưk tror lok tsêr. Zơưs Đỉnh haik pâuz: Nhiv kruôr no, cur zis nênhs tưz tâu cán xã fuô kria Đảng, têz qơưk têx cêr chai lok sâuv chox têx nênhs uô hâux lưv muk uô nuv trâu oz chas têz, hâu ntơư muôx tuz lênhv tưz lês tiar hâux lưv por hưv têz qơưk, cur zis nênhs tưz cxơưz jos chia tus mê nhuôv muk uô hâux lưv trâu oz chas têz. Cur zis nênhs xar cov tâu Têz qơưk paz nhiax chia tus mê nhuôv tâu cơưv luk oz chas têz thiaz tâu cơưv nzir tsưr ziv chia tror muk uô hâux lưv trâu têz qơưk Nhật Bản. 

Luôs hâux lưv paz têx nênhs uô nuv muk uô hâux lưv trâu oz chas têz tưz tsik zos paz trâu muôx hâux lưv uô, sâu nju nhiax truôx njês xưz, mak tsênhv cxơưz paz txo tsơưs cêr pluôs truôx njês thiaz paz huôv tsar nhiax txiax thax tsav.