Công ty nhiv no muôx 6 xí nghiệp, 1 Công ty TNHH MTV Dịch vụ đô thị Sơn La thiaz 11 chi nhánh saiz car ntơưv têx xã, phường, đros trâu zuôr luôs 600 lênhx nênhs uô hâux lưv tsik tsês thiaz 200 lênhx nênhs uô nuv trơưk chaix, hâu ntơư têx nênhs uô hâux lưv cias ntơưv qơư txênhz zuôr luôs 80%.

6 hli hâu shông, Công ty tưz moz siaz fuô lês têx hâux lưv uô lax luôv, tsi njênhk trơưk đraiv cêr chai thiaz têx ntâuz ntơưr tưz chos luk. Hur si têx ntâuz ntơưr chos luk yax 320 tỷ đaiv, tsar 10,1% njuôk li shông 2025, tâu 93,6% chỉ tiêu cêr tuôr xav tâu zok hâur shông 2026. Têx hâux lưv lês tiar xav tâu zuôr luôs 150 tỷ đaiv. Công ty tưz chos luk cir 25 ntâuz ntơưr đros trâu yax 247 tỷ đaiv.
Côngz xưv sâu, thâux khâuz nhaz tâu tsưx truôx, đros trâu têx khâuz nhaz sâu tâu zuôr luôs 34.997 tấn, fênhx đraz tâu yax 230 tấn/hnuz; lês jông côngz xưv tu têx ntông, tsưx tâu jông têx điện pov cêr hâur đrôngs, cxiv kho đuô đrôngs chia paz max kriz têx hâux lưv chính trị, txux chi, xã hội hâur thax tsav.

6 luz hli kaz shông, Công ty tưz moz siaz lês jông hâux lưv cxênhz yuôx ntơưv thax tsav, zênhx max đơưk têx cêr phiv liv muôx yưv. Đros ntơư, siz khov đros têx thax tsav cxênhz têx hâux lưv, cxiv tsa tsưr ziv fiv huv lês hâur ntu zuôr txos; tror muôz nhiax zuôr yêz, chuôz zênhx lês hâux lưv, cxơưz paz cxiv tsa đrôngs jông jav, hur si.