Cơưv ntơưv tỉnh Sơn La, muôx đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; thơưx car têx sở, ngành đros chôngz lênhx cán bộ, chiến sĩ lực lượng vũ trang, hluôs nênhs, shuv xênhz thiaz pêx xênhv hâur thax tsav. Luôs hâux lưv tâu kriz yưv tivi txos 71 xã, phường hâur thax tsav tỉnh. 

Ntơư zos shông tiv oz, luôs hâux lưv no tâu kriz hâur hur si têz qơưk, chia lês nto mông njiaz luk phax, tar nênhs kuôr zênhz, uô luôv zênhz đhâu têx hâux lưv thể thao.

Zênhz zos têx cêr ruôr hiav txos trâu hâux lưv huôv tsar truôx njês ntơưv cxuô têz qơưk, hair nênhs; zos luz cênhz muôx yưv ntâu lênhx nênhs cxâuv chai, phiv liv txos trâu đas jos, luz nênhx zar tov ntêx ntơưv cxuô lênhx, cxuô tus, hiav txos cêr shir phaz zis nênhs. Zos luz tỉnh tox siaz, muôx đriv têz nhoz puôz têz qơưk Lok Tsuôk, Sơn La tuôr xav côngz xưv phax tar nênhs kuôr zênhz, uô luôv zênhz zos hâux lưv tsênhv chênhz, tsuv tâu lês tsik tsês muk ntêr.

Cias tov kaz jias saiz hloz, Cêr siz tưr đhia đros trâu njiaz luk “Moz siaz cxiv tsa xã, phường tsik muôx nênhs kuôr zênhz, uô luôv zênhz” tưz tiz cxix tâu kriz ntơưv Hà Nội thiaz têx thax tsav hur si têz qơưk. Ntơưv yar tiax lox Tây Bắc, tưz gruô hu tâu zuôr luôs 1.500 vận động viên zos cán bộ, chiến sĩ lực lượng vũ trang, hluôs nênhs, shuv xênhz thiaz pêx xênhv siz chos côngv. Đros ntơư, ntơưv têx xã, phường gruô hu yax 500 lênhx nênhs côngv lês hâux lưv ntơưv thax tsav, paz muôx cêr siz tưr lov jêv ntưk, lês nto mông đêz đar cêr siz tưr cxiv tsa xã, phường tsik muôx nênhs kuôr zênhz, uô luôv zênhz.

Têx vận động viên txir nênhx siz tưr đhia đêz 5 caik, pox niav đhia đêz 3 caik. Jias tưr đhia cxơưz paz fuô kria, cxaz nzir cêr pâuz trây pêx xênhv lok sâuv zênhz cêr ruôr hiav, nthuôr huôv jông cxuô lênhx pêx xênhv qơư sơưr hâur côngz xưv phax tar nênhs kuôr zênhz, uô luôv zênhz, côngv têk cxiv tsa qơư nhoz nhaz xênhz.

Suôx câuv jias tưr, Ban tổ chức tưz puz 2 giải iz, 4 giải oz thiaz 10 giải pêz trâu têx vận động viên tưr tâu giải./.